2. Mojžišoskro 22:26 - Le Devleskero Lav Andre Romaňi Čhib Slovensko 2021

²⁶ Se les nane ňič aver, ča oda jekh plašťos, saveha pes učharel. Sar šaj džal te sovel? Te ov vičinela ke mande, šunava les avri, bo som lačhejileskro.

2. Mojžišoskro 22:26 ပူးပေါင်းရင်းမြစ်များ

O Job 22:6

Bo tire phralendar lehas vaš ňisoske e zaloha a mukehas len langen bi o gada.

O Job 24:3

Le širotendar len le somaren a le vdovendar le bikos sar e zaloha.

O Job 24:7

Prekal e rat pašľon lange, bi o gada; nane len soha pes te učharel andre, sar hin šil.

O Job 24:9

Odcirden la širota la dake pašal o koľina, len le čhaven le čore manušendar sar o počiňiben vaš o dluhi.

O Job 34:28

Vašoda doavľa o roviben le čore manušengro anglo Del a šunďa avri lengro mangipen.

Žalmi 10:14

No tu dikhes o trapišagi the o pharipena a les oda andre tire vasta. O slabo pes zmukel pre tute; pomožines le širotenge.

Žalmi 34:7

Somas andro pharipen bi e zor, ale vičinavas pro RAJ a šunďa man avri, iľa man avri andral savoro pharipen.

Prislovja 20:16

Le o gada olestar, ko pes zaručinel vaš o cudzincos, a le e zaloha olestar, ko pes zaručinďa vaš e cudzinka.

Prislovja 22:27

Te tut na ela sostar te počinel, avena a lena tutar mek the o hadžos.

Ezechiel 18:16

a ňikas na trapinel; del pale e zaloha a na čorel. Le bokhales del te chal a le langes del gada te urel;

Ezechiel 18:7

Ňikas na trapinel, ale del pale oda, so iľa andre zaloha. Na čorel, ale del te chal le bokhales a le langes del gada te urel.

Ezechiel 33:15

te dela pale oda, so iľa sar zaloha, abo oda, so čorďa, a te chudela te dživel pal mire prikazaňja, so den o dživipen, a na kerela o nalačhipen, ajso manuš dživela a na merela.

Amos 2:8

Paš dojekh oltaris peske pašľon pro ruchi, so ile sar zaloha; pijen e mol, so ile sar pokuta, andro kher peskre devlengro.

5. Mojžišoskro 24:17

Pro sudos ma previsar o pravos le cudzincoskro aňi la širotakro a la vdovatar ma le o gada andre zaloha.

5. Mojžišoskro 24:6

Te varekas des kečeň, ma le lestar andre zaloha o mlinoskro bar, bo olestar dživel leskri caľi famelija.