2. Mojžišoskro 21:33 - Le Devleskero Lav Andre Romaňi Čhib Slovensko 2021

³³ Te vareko otkerela abo kopaľinela avri chaňig a na učharela la andre a perela andre o bikos abo o somaris,

2. Mojžišoskro 21:33 ပူးပေါင်းရင်းမြစ်များ

Žalmi 119:85

O barikane, save na dživen pal tiro zakonos, mange pripravinde o cheva sar pasci.

Žalmi 9:15

hoj te šaj vakerav pal savore veci, vaš save tut lašarav, andro brani le Sionoskra čhakre, a te šaj radisaľuvav, hoj man zachraňinďal.

2. Mojžišoskro 21:32

Te o bikos murdarela otrokos abo otrokiňa, mušinel te počinel ole dženeske, kaskro sas o otrokos, tranda (30) rupune a le bikos mušinen te murdarel le barenca.

2. Mojžišoskro 21:34

oda dženo, kaskri hiňi e chaňig, mušinel te počinel rupune ole dženeske, kaskro sas o džviros, a oda murdalo džviros ačhela leske.

Prislovja 28:10

Ko cirdel le čačipnaskren pro nalačho drom, korkoro perela andre chev, ale o žuže dochudena lačho ďeďictvos.

Kazaťeľis 10:8

Ko kopaľinel e chev, šaj perel andre; a oles, ko čhivel tele o muros, šaj danderel o sap.

Jeremijaš 18:20

Či šaj vaš o lačho te počinel nalačhipnaha? No on mange kopaľinde avri e bari chev! Leper tuke, hoj ačhavas angle tute mangavas tut vaš lenge, hoj lendar te visares tiri choľi.

Jeremijaš 18:22

Andral lengre khera mi šunďol o baro roviben, sar pre lende jekhvareste bičhaveha le zbujňiken, bo kopaľinde avri e chev, hoj man te chuden, a thode tel mire pindre e pasca.

3. Mojžišoskro 24:18

Sako, ko murdarela varekaske le džviros, mušinela leske te del pale avre džviros; o dživipen vaš o dživipen.