2. Mojžišoskro 20:18 - Le Devleskero Lav Andre Romaňi Čhib Slovensko 2021

¹⁸ Sar o manuša šunde o hromi the o zoralo hangos la trubakro a dikhle o bleski the o thuv andral o verchos, igen izdranas daratar a ačhenas dural.

2. Mojžišoskro 20:18 ပူးပေါင်းရင်းမြစ်များ

1. Mojžišoskro 15:17

Sar zageľa o kham a avľa baro kaľipen, sikaďa pes baro thuv sar andral e bov the e jagaľi fakľa, savi predžalas maškar ola rozčhinde kotora le džvirengre.

1. Mojžišoskro 3:10

„Šunďom tut, sar phires pal e zahrada, a daravas man, bo som lango, vašoda man garuďom,“ odphenďa.

Žalmi 81:7

„Iľom leske tele o pharipen pal o phike a andral o vasta thoďom tele o pharo košaris.

Jeremijaš 23:23

Či me som Del, so hino ča pašes? A či na som Del, so hino the dur?“ phenel o RAJ.

5. Mojžišoskro 18:16

Ela oda avke, sar kamenas le RAJESTAR, tumare Devlestar, andre oda džives, sar tumen zgele paš o verchos Choreb a sar phenďan: ‚Imar te na šunas o hangos le RAJESKRO, amare Devleskro, aňi te na dikhas odi bari jag, hoj te na meras.‘

5. Mojžišoskro 4:36

Ov tumenge domukľa te šunel peskro hangos andral o ňebos, hoj tumen te sikavel. Pre phuv tumenge sikaďa e jag a andral e jag šunďan leskre lava.

5. Mojžišoskro 5:23

Sar o verchos labolas la jagaha a tumen andral o kaľipen šunďan o hangos, avle ke ma savore tumare fajtakre vodci the phuredera.

5. Mojžišoskro 5:25

Soske amen akana te meras? Se adi bari jag amen chala. A te dureder šunaha o hangos le RAJESKRO, amare Devleskro, meraha.

5. Mojžišoskro 5:27

Vašoda dža pašeder, Mojžiš, a šun savoro, so vakerela o RAJ, amaro Del. Paľis amenge pheneha savoro, so tuke o RAJ, amaro Del, phenela, a amen oda šunaha a keraha.‘

5. Mojžišoskro 5:5

Me akor ačhavas maškar o RAJ the maškar tumende, hoj tumenge te phenav leskro lav, bo tumen daranas la jagatar a na geľan upre pro verchos. O RAJ phenďa: