2. Mojžišoskro 20:16 - Le Devleskero Lav Andre Romaňi Čhib Slovensko 2021

¹⁶ Na svedčineha klamišagoha pre aver manuš!

2. Mojžišoskro 20:16 ပူးပေါင်းရင်းမြစ်များ

Žalmi 15:3

ko na vakerel o pľetki, ko na dukhavel avres, ko na vakerel namištes pal aver džene;

2. Mojžišoskro 23:1

Ma rozľidža nalačho hiros. Na pomožineha le manušeske, savo hino vinnovato, oleha, hoj svedčineha falošňe.

Prislovja 10:18

Oda, ko garuvel andre, hoj varekas našťi avri ačhel, hino klamaris. Ko vakerel o pľetki, hino dilino.

Prislovja 11:13

Ko vakerel o pľetki, phenel avri o garuďipen, ale kaske pes del te pačal, ľikerel oda andre peste.

Prislovja 19:5

Le falošne švedkos o mariben na obdžala a oda, ko rozľidžal o klamišagos, na denašela.

Prislovja 25:18

O manuš, savo falošňe svedčinel pre aver dženo, hino sar o kijakos, e šabľa the o ostro šipos.

3. Mojžišoskro 19:11

Ma čoren! Ma klaminen! Ma thoven avri jekh avreha!

3. Mojžišoskro 19:16

Ma rozľidža o pľetki maškar tire manuša. Te džal varekaske pal o dživipen, ma užar a dža te svedčinel. Me som o RAJ.

3. Mojžišoskro 19:18

Ma de pale aňi ma ľiker choľi pre ňikaste andral tumare manuša, ale kam avres avke sar tut korkores. Me som o RAJ.

Matuš 19:18

„Save prikazaňja?“ phučľa le Ježišostar. A o Ježiš phenďa: „Na murdareha! Na kereha lubipen! Na čoreha! Na svedčineha klamišagoha pre avreste!

Лукастар 3:14

Avke lestar phučle the varesave slugaďa: „Amenge so kampel te kerel?“ Phenďa lenge: „Ňikastar ma kiden avri o love zoraha a ňikas ma trapinen. Aven spokojna oleha, so zaroden!“

Skutki 6:13

Ande falošne švedken, save phende: „Kada manuš na preačhel te vakerel nalačhe lava pre kada sveto than the pro zakonos.

Efežanenge 4:31

Preačhen te ľikerel e kirko choľi andro jilo, te rušel, te vesekedinel pes, te kerel vika a te košel. Ma keren ňič, so nane lačho.

5. Mojžišoskro 5:20

Na svedčineha klamišagoha pre aver manuš!

1. Timoteoske 1:10

O zakonos hino the prekal o lubara, prekal o murša, so soven le muršenca, prekal ola, ko cinen the bikenen le manušen, prekal o klamara the prekal ola, ko den lav klamišagoha, a prekal sakoneste, ko dživen avke, hoj pes oda na zdžal le saste sikavibnaha.

2. Timoteoske 3:3

bi o kamiben, bi o jilo, pľetkošna, na zľikerena pes, ena igen dziva, na kamena o lačhipen,

Jakob 4:11

Ma vakeren namištes jekh pre aver, phralale! Oda, ko vakerel namištes pro phral, abo sudzinel peskre phrales, vakerel pro zakonos a sudzinel o zakonos. A te sudzines o zakonos, na sal oda, ko dživel pal o zakonos le Devleskro, ale sal leskro sudcas.