2. Mojžišoskro 18:24 - Le Devleskero Lav Andre Romaňi Čhib Slovensko 2021

²⁴ Sar o Mojžiš šunďa avri peskre sastres, kerďa savoro avke, sar leske phenďa.

2. Mojžišoskro 18:24 ပူးပေါင်းရင်းမြစ်များ

Ezdraš 10:2

Avke o Šechaniah, o čhavo le Jechieloskro andral le Elamoskri famelija, phenďa le Ezdrašoske: „Kerďam binos angle amaro Del oleha, hoj peske iľam romňijen andral aver narodi, save kade bešen, ale the avke mek hin prekal o Izrael e naďej.

Ezdraš 10:5

Avke o Ezdraš ušťiľa a phenďa le anglune rašajenge, le Levitenge the savore Izraelitenge, hoj te len vera, hoj doľikerena oda lav. A on ile vera.

Žalmi 78:53

Ľidžalas len istones, na mušinde pes te daral, no lengre ňeprijaťeľen chaľa o moros.

2. Mojžišoskro 18:19

Šun miri rada a o Del ela tuha. Tu mušines te ačhel anglo Del vaš o manuša a te anel angle leste lengre veci.

2. Mojžišoskro 18:23

Te kada kereha, a o Del tuke kada prikazinel, akor oda birineha te ľikerel avri a savore kala manuša peske džana pale khere andro smirom.“

2. Mojžišoskro 18:25

Avke peske o Mojžiš andral calo Izrael kidňa avri muršen, save sas goďaver a ačhaďa len vodcenge upral o manuša; vodcenge upral o ezeros, šel, penda the deš.

Prislovja 1:5

O goďaver manuš len mi šunel a mi barvaľol andro prindžaripen, a oda, ko hino avrisikado, mi prilel e lačhi rada,

1. Korinťanenge 12:21

Vašoda e jakh našťi phenel le vasteske: „Mange tut na kampel!“ Aňi o šero le pindrenge: „Na kampel mange tumen!“

5. Mojžišoskro 1:9

O Mojžiš phenďa le manušenge: „Andre oda časos, sar mek samas paš o verchos Sinaj, tumenge phenďom: ‚Na birinav man korkoro pal tumende te starinel.