2. Mojžišoskro 18:19 - Le Devleskero Lav Andre Romaňi Čhib Slovensko 2021

¹⁹ Šun miri rada a o Del ela tuha. Tu mušines te ačhel anglo Del vaš o manuša a te anel angle leste lengre veci.

2. Mojžišoskro 18:19 ပူးပေါင်းရင်းမြစ်များ

1. Mojžišoskro 39:2

Ale o RAJ sas le Jozefoha, a vašoda savoro, so kerelas, avelas leske avri. Dživelas andro kher ke peskro egiptsko raj.

2. Samueloskro 14:17

O lav mire rajeskro the kraľiskro mange anel o smirom, bo miro raj the kraľis hino sar le Devleskro aňjelos, savo rozprindžarel o lačho le nalačhestar. O RAJ, tiro Del, mi el tuha.“

2. Mojžišoskro 18:15

O Mojžiš leske odphenďa: „Mušinav ada te kerel, bo o manuša aven ke mande te rodel le Devleskri voľa.

2. Mojžišoskro 18:20

Tu len sikaveha te doľikerel o zakoni the o prikazaňja a pheneha lenge sar te dživel a so te kerel.

2. Mojžišoskro 18:24

Sar o Mojžiš šunďa avri peskre sastres, kerďa savoro avke, sar leske phenďa.

2. Mojžišoskro 20:19

Akor phende le Mojžišoske: „Tu amenca vaker a amen šunaha. Te na vakerel amenca o Del, hoj te na meras.“

2. Mojžišoskro 3:12

O Del leske phenďa: „Me avava tuha. Kada tuke ela pro znameňje, hoj tut me bičhaďom: Sar leha avri le manušen andral o Egipt, tumen man lašarena pre kada verchos.“

2. Mojžišoskro 4:12

Akana dža, me tuke pomožinava andro vakeriben a phenava tuke, so te vakeres.“

2. Mojžišoskro 4:16

Ov ela tiro muj, a vakerela vaš tuke ko manuša. Tu leske aveha sar Del a pheneha leske so te vakerel.

Prislovja 9:9

De goďi le goďaverones a ela meksa goďavereder, sikav le čačipnaskres a džanela buter.

4. Mojžišoskro 27:5

Avke o Mojžiš phučľa le RAJESTAR, so te kerel.

Matuš 28:20

a sikaven len te doľikerel savoro, so tumenge prikazinďom. Dikhen, me som tumenca sako džives, medik na ela o koňec le svetoskro.“

5. Mojžišoskro 20:1

„Sar džana pro mariben pre tumare ňeprijaťeľa a dikhena, hoj len hin buter graja the verdana a hine buter sar tumen, ma daran tumen, bo tumenca hino o RAJ, tumaro Del, savo tumen iľa avri andral o Egipt.

5. Mojžišoskro 5:5

Me akor ačhavas maškar o RAJ the maškar tumende, hoj tumenge te phenav leskro lav, bo tumen daranas la jagatar a na geľan upre pro verchos. O RAJ phenďa:

Jozua 1:9

Či tuke na phenďom, hoj te aves zoralo the odvažno? Ma dara a ma podde tut! Bo o RAJ, tiro Del, ela tuha všadzik, kaj ča džaha.“