2. Mojžišoskro 15:5 - Le Devleskero Lav Andre Romaňi Čhib Slovensko 2021

⁵ O baro paňi len učharďa andre; pele dži tele andro moros sar bar.

2. Mojžišoskro 15:5 ပူးပေါင်းရင်းမြစ်များ

Nehemiaš 9:11

Rozďelinďal angle lende o moros a maškar o moros pregele pal e šuki phuv. Ale olen, ko pal lende džanas, čhiďal andro baro paňi, avke sar pes čhivel o bar andro bare paňa.

Žalmi 106:11

Lengre ňeprijaťeľen zaučharde andre o paňa, na predžiďiľa lendar ňiko.

2. Mojžišoskro 14:28

O paňi pes visarďa pale a zaučharďa la armada, le muršen pro graja the o verdana, save džanas pal o Izraeliti. Ňiko lendar na ačhiľa džido.

2. Mojžišoskro 15:10

Tu pre lende phurdľal a začhiďa len o moros. Tašľile sar olovos andro bare paňa.

2. Mojžišoskro 15:16

Avľa pre lende igen bari dar; sar dikhle tiri zor, ačhile čhit sar bar, medik na pregele o moros tire manuša, ó, RAJEJA, tire manuša, saven cinďal avri.

Prislovja 8:24

Uľiľom sigeder, sar sas kerde o oceani, sar mek o prameňa na prečhorďonas le paňeha.

Ezechiel 27:34

Ale akana stroskotinďal pro moros, andro bare paňa, tiro tovaris the savore tire nipi tašľona tuha.

Jonaš 2:2

O Jonaš pes modľinelas andral e riba ko RAJ, ke peskro Del,

Micheaš 7:19

Tuke ela pale pharo vaš amenge, uštareha le pindrenca pre amare vini a čhiveha savore amare bini andro baro moros.

Matuš 18:6

„Oleske, ko odcirdela andral o pačaben jekhes kale ciknorendar, save pačan andre ma, uľahas feder, te leske thodehas baro bar andre meň a čhidehas les andro moros.

Zjaveňje 18:21

A jekh zoralo aňjelos hazdňa igen baro bar, sar o bar andral o mlinos, čhiďa les andro moros a phenďa: „Avke zoraha ela telečhido o Babilon, oda baro foros, a šoha pes imar na arakhela.