2. Mojžišoskro 14:27 - Le Devleskero Lav Andre Romaňi Čhib Slovensko 2021

²⁷ Avke o Mojžiš nacirdňa o vast upral o moros a pro tosara pes o paňi pale visarďa pre peskro than. O Egipťana denašenas, ale o RAJ len začhorďa le bare paňeha maškar o moros.

2. Mojžišoskro 14:27 ပူးပေါင်းရင်းမြစ်များ

Nehemiaš 9:11

Rozďelinďal angle lende o moros a maškar o moros pregele pal e šuki phuv. Ale olen, ko pal lende džanas, čhiďal andro baro paňi, avke sar pes čhivel o bar andro bare paňa.

Žalmi 106:11

Lengre ňeprijaťeľen zaučharde andre o paňa, na predžiďiľa lendar ňiko.

Žalmi 136:15

ale le Faraonos la armadaha začhiďa le moroha, bo leskro verno kamiben ľikerel pro furt.

Žalmi 78:53

Ľidžalas len istones, na mušinde pes te daral, no lengre ňeprijaťeľen chaľa o moros.

Izajaš 10:26

O Nekzoraleder RAJ len marela le bičoha, avke sar marelas le Midijanen paš e skala Oreb; a peskri paľica hazdela upral o moros, avke sar oda kerďa andro Egipt.

5. Mojžišoskro 11:4

Tumen dikhľan, sar o RAJ zňičinďa la egiptska armada lakre grajenca the verdanenca, sar la začhiďa le paňeha andro Lolo moros, sar pal tumende denašenas, a sar la o RAJ zňičinďa, avke sar oda hin dži adadžives.

Židenge 11:29

Le pačabnaha pregele prekal o Lolo moros sar pal e šuki phuv a sar oda kamle te kerel the o Egipťana, takoj tašľile.

Jozua 24:7

Sar ke ma vičinenas, hoj lenge te pomožinav, bičhaďom maškar tumende the maškar o Egipťana e kaľi chmara. Paľis phundraďom o moros a tumen pregeľan, ale sar o Egipťana džanas pal tumende, diňom, hoj len o moros te zaučharel. Tumen korkore dikhľan, so lenge kerďom. Paľis but berša dživenas pre pušťa.

Jozua 4:18

Sar o rašaja, save ľidžanas e archa, avle avri andral o Jordan a uštarde le pindrenca pre šuki phuv, o paňi avľa pale pre peskro than. Sas pale ajso baro, hoj prečhorelas o brehi.