2. Mojžišoskro 14:14 - Le Devleskero Lav Andre Romaňi Čhib Slovensko 2021

¹⁴ O RAJ pes marela vaš tumenge a tumen avena čhit.“

2. Mojžišoskro 14:14 ပူးပေါင်းရင်းမြစ်များ

2. Kronicko 20:15

Ov prevakerďa: „Šunen man, kraľina Jošafat the savore manušale, save bešen andre Judsko the andro Jeruzalem! Avke tumenge phenel o RAJ: ‚Ma daran tumen a ma izdran kala zoraľa armadatar. Bo kada mariben nane tumaro, ale le Devleskro.

2. Kronicko 20:17

Tumen pes na mušinen te marel, ale rozačhaven pes a ačhen pro than. Avke dikhena sar tumen o RAJ zachraňinela, ó manušale andral e Judsko the andral o Jeruzalem! Ma daran tumen a ma izdran! Tajsa džan pre lende a o RAJ ela tumenca.‘ “

2. Kronicko 20:29

Avke pes savore kraľišagi pašal lende chudle te daral le Devlestar, sar šunde, sar pes o RAJ marelas vaš o Izrael leskre ňeprijaťeľenca.

Nehemiaš 4:14

Te šunena e truba, aven sigo savore paš amende. Amaro Del pes marela vaš amenge!“

Nehemiaš 9:11

Rozďelinďal angle lende o moros a maškar o moros pregele pal e šuki phuv. Ale olen, ko pal lende džanas, čhiďal andro baro paňi, avke sar pes čhivel o bar andro bare paňa.

Žalmi 35:1

Le Davidoskro žalmos. RAJEJA, vesekedin tut olenca, ko pes manca vesekedinen, mar tut olenca, ko pes manca maren!

Žalmi 50:3

Amaro Del avel a nane čhit; anglal leste e bari jag zlabarel savoro a pašal leste phurdel igen zoraľi balvaj.

Žalmi 83:1

E giľi. Le Asafoskro žalmos.

2. Mojžišoskro 14:15

O RAJ phenďa le Mojžišoske: „Soske vičines ke ma, hoj tuke te pomožinav? Phen le Izraelitenge, hoj te džan anglal!

2. Mojžišoskro 14:25

Pre lengre verdana kerďa, hoj o kereki phares te bondžaľon, a vašoda on šaj džanas ča lokes. O Egipťana vakerenas: „Denašas le Izraelitendar, bo o RAJ pes vaš lende marel.“

2. Mojžišoskro 15:3

O RAJ hino zoralo andro mariben; leskro nav hin RAJ.

Izajaš 30:15

Kada phenel o RAJ, o Adonaj, o Sveto le Izraeloskro: „Avena zachraňimen, te kerena pokaňje a ačhena andro smirom, avena zorale, te tumen sťišinena a pačana, ale tumen oda na kamen.

Roviben le Jeremijašiskro 3:26

Mištes hin te užarel cichones pre zachrana le RAJESKRI.

5. Mojžišoskro 1:30

O RAJ, tumaro Del, savo džal angle tumende, pes marela vaš tumenge, avke sar oda furt kerelas andro Egipt angle tumare jakha

5. Mojžišoskro 20:4

Se o RAJ, tumaro Del, džal tumenca, ov pes tumare ňeprijaťeľenca marela vaš tumende, hoj tumen te zviťazinen.‘

5. Mojžišoskro 3:22

Ma daran tumen lendar, bo o RAJ, tumaro Del, pes korkoro marela vaš tumende.‘

Jozua 10:10

O RAJ kerďa, hoj o Amorejčana la daratar ačhile sar bi e goďi anglo Izraeliti. Paš o Gibeon o Izraeliti igen but dženen murdarde a denašenas pal lende le dromeha upre pro Bet-Choron a murdarenas len dži paš e Azeka the Makeda.

Jozua 10:14

Ajso džives na sas aňi angloda aňi paloda, hoj o RAJ kavke te šunel avri le manušes. O RAJ pes čačes marelas vaš o Izrael.

Jozua 10:42

Savore kraľen lengre phuvenca zaiľa jekhvareste, bo o RAJ, o Del le Izraeloskro, pes marelas vaš o Izrael.

Jozua 23:10

O RAJ, tumaro Del, tumen diňa lav, hoj pes korkoro vaš tumenge marela, vašoda jekh tumendar zviťazinela upral o ezeros (1 000) murša.

Jozua 23:3

Tumen dikhľan savoro, so kerďa prekal tumende o RAJ, tumaro Del, kale narodenge, hoj ov korkoro pes marelas vaš tumenge.

Sudcengro 5:20

O čercheňa andral o ňebos pes marenas, pal peskre droma džanas pro mariben pro Siserah.

1. Samueloskro 4:7

igen predaranďile a vakerenas peske: „Andre lengro taboris avľa o Del!“ A phenenas: „Vigos amenge! Ajso vareso pes amenge mek na ačhiľa.