2. Mojžišoskro 12:17 - Le Devleskero Lav Andre Romaňi Čhib Slovensko 2021

¹⁷ Doľikeren kada inepos le Marengro bi o Kvasos, bo andre oda džives iľom avri tumare kmeňi andral o Egipt. Pro furt mušinen oda džives te oslavinel sar prikazis, pokoleňje pro pokoleňje.

2. Mojžišoskro 12:17 ပူးပေါင်းရင်းမြစ်များ

2. Mojžišoskro 12:14

Kada džives tumenge leperena. Leperena tumenge les sar inepos pre pačiv le RAJESKE. Oslavinena les pokoleňje pro pokoleňje sar večno prikazis.“

2. Mojžišoskro 12:24

Tumen the tumare čhave mušinen te doľikerel kada prikazis pro furt.

2. Mojžišoskro 12:41

Le RAJESKRE manuša avle avri andral o Egipt ipen pro posledno džives ole 430 beršenge.

2. Mojžišoskro 12:6

Pal oda bakroro pes mušinena te starinel dži andro dešuštarto (14.) džives andre oda čhon, paľis savore Izraeliti ke račate murdarena ole bakroren.

2. Mojžišoskro 13:10

Oslavinen kada inepos sako berš andre ajso džives.

2. Mojžišoskro 13:3

O Mojžiš phenďa le manušenge: „Leperen tumenge pre kada džives, andre savo avľan avri andral o Egipt, kaj sanas otroka. Bo o RAJ tumen odarik iľa avri peskre zorale vasteha. Vašoda našťi chan ňič, andre soste hin o kvasos.

2. Mojžišoskro 13:8

Andre oda džives tumare čhavenge phenena avke: ‚Me kerav ada vaš oda, so o RAJ kerďa prekal ma, sar avľom avri andral o Egipt.‘

2. Mojžišoskro 34:18

Doľiker o inepos le Marengro bi o Kvasos. Avke sar tuke prikazinďom, cha efta dživesa ola mare andro čhon Abib, bo andre oda čhon avľal avri andral o Egipt.

2. Mojžišoskro 6:26

O Mojžiš the o Aron sas ola, kaske o RAJ phenďa: „Ľidžan avri andral o Egipt le Izraeliten dojekhes pal peskro kmeňos.“

2. Mojžišoskro 7:5

Sar nacirdava miro vast pro Egipt a lava odarik avri le Izraeliten, akor o Egipťana sprindžarena, hoj me som o RAJ.“

4. Mojžišoskro 20:16

vašoda amen vičinahas ko RAJ, hoj amenge te pomožinel. Šunďa avri amaro roviben a bičhaďa amenge aňjelos, savo amen iľa avri andral o Egipt. Akana sam paš o Kadeš, so hin o foros pre hraňica paš tiri phuv.

5. Mojžišoskro 16:3

Ma cha ola obetaha maro le kvasoha. Efta džives chaha mare bi o kvasos, o maro le trapišagoskro, bo andre dar denašehas avri andral o Egipt, hoj tuke te leperes calo tiro dživipen pre oda džives, sar avľal avri andral o Egipt.