2. Mojžišoskro 10:15 - Le Devleskero Lav Andre Romaňi Čhib Slovensko 2021

¹⁵ Caľi phuv andro Egipt sas ole kobilkendar kaľi. Chale savoro, so ačhiľa pal o brišind le krupenca, savoro pal o stromi the pal o maľi. Ňič zeleno na ačhiľa andro Egipt, aňi pro stromi, aňi pro maľi.

2. Mojžišoskro 10:15 ပူးပေါင်းရင်းမြစ်များ

Žalmi 78:46

Lengro uľipen diňa le kobilkenge a lengro ovocje le maľakre grajorenge.

2. Mojžišoskro 10:12

Paľis o RAJ phenďa le Mojžišoske: „Nacirde o vast pro Egipt, hoj te aven andre odi phuv o kobilki a te chan tele savore rastlini, so ačhile pal o brišind le krupenca.“

2. Mojžišoskro 10:5

Ena ajci but, hoj zaučharena caľi phuv a na dičhola la. Chana savoro, so tumenge ačhiľa paloda, sar delas o brišind le krupenca, a pal e maľa obchana savore stromi.

Prislovja 30:27

o maľakre grajora – nane len vodcas, ale savore ľecinen jekhetane andre čata sar slugaďa;

Joel 1:4

Oda, so ačhiľa pal o čarakre kobilki, chale o terne kobilki; oda, so ačhiľa pal o terne kobilki, chale o bare kobilki; oda, so ačhiľa pal o bare kobilki, chale o maľakre grajora.

Joel 2:25

Dava tumenge pale oda, so našaďan andre ola berša, sar tumenge o kobilki chanas o uľipen – o čarakre kobilki the o terne kobilki, o maľakre grajora the o bare kobilki – miri bari armada, savi pre tumende bičhaďom.

Amos 7:2

Akor, sar chale tele savoro zeleno pre phuv, vičinďom: „Ó Nekzoraleder RAJEJA, odmuk! Sar predživela o Jakob? Se hino igen slaboro.“

4. Mojžišoskro 22:5

Ov bičhaďa le muršen ko Balaam, ke le Beoriskro čhavo, andro Petor paš o paňi Eufrat, khatar sas the o Balak. Diňa leske te džanel: „Andral o Egipt avle avri o manuša, zaučharde e phuv a bešen nadur pašal miri phuv.