2. Mojžišoskro 10:13 - Le Devleskero Lav Andre Romaňi Čhib Slovensko 2021

¹³ Avke o Mojžiš hazdňa peskri paca upral o Egipt a o RAJ bičhaďa andre odi phuv e balvaj le vichodostar. E balvaj phurdelas calo džives the calo rat a tosara ode anďa le kobilken.

2. Mojžišoskro 10:13 ပူးပေါင်းရင်းမြစ်များ

1. Mojžišoskro 41:6

Pal lende barile aver efta klasi, ale kala sas avrišučarde the zlabarde la vichodoskra balvajatar.

Žalmi 105:34

Prikazinďa a avle o maľakre grajora, ajci kobilki, hoj pes na denas te zrachinel.

Žalmi 148:8

o bleski, o ľegi, o jiv the o chmari, e zoraľi balvaj, so kerel oda, so phenel.

Žalmi 78:26

Diňa, hoj te phurdel e vichodno balvaj andral o ňebos, a peskra zoraha anďa e južno balvaj.

Žalmi 78:46

Lengro uľipen diňa le kobilkenge a lengro ovocje le maľakre grajorenge.

2. Mojžišoskro 14:21

O Mojžiš hazdňa o vast upral o moros a o RAJ diňa te phurdel pro moros zoraľi balvaj pal o vichodos a čerinďa o moros pre šuki phuv. Rozphurdľa o paňi pro duj seri

Prislovja 30:27

o maľakre grajora – nane len vodcas, ale savore ľecinen jekhetane andre čata sar slugaďa;

Jonaš 1:4

Ale o RAJ bičhaďa zoraľi balvaj pro moros a avľa bari burka a imar dičholas, hoj e loďa rozperela.

Jonaš 4:8

Sar avľa avri o kham, bičhaďa o Del e tači vichodno balvaj a o kham labarelas o šero le Jonašiskro avke, hoj leske sas igen namištes. Kamelas te merel a phenďa: „Feder mange hin te merel sar te dživel!“

Matuš 8:27

O manuša pes čudaľinenas a phenenas: „Savo manuš hino, hoj les o balvaja the o moros šunen?“