2. Kronicko 8:11 - Le Devleskero Lav Andre Romaňi Čhib Slovensko 2021

¹¹ La faraonoskra čha o Šalamun odľigenďa andral o Foros le Davidoskro andro palacis, so prekal late ačhaďa. Phenďa peske: „Miri romňi našťi bešel andro palacis le izraelike kraľiskro le Davidoskro, bo ola thana, andre save sas le RAJESKRI archa, hine sveta.“

2. Kronicko 8:11 ပူးပေါင်းရင်းမြစ်များ

1. Kraľengro 3:1

O Šalamun ačhiľa džamutro le Faraonoskro, le kraľiskro andral o Egipt, bo peske iľa leskra čha romňake. Anďa peske la andro Foros le Davidoskro, medik na dokerďa peskro palacis, o Chramos le RAJESKRO the o muri pašal o Jeruzalem.

1. Kraľengro 7:8

O palacis, andre savo bešelas o Šalamun, sas pre aver dvora pal e hala a sas ačhado avke sar the odi Sudcengri Hala. Ačhaďa ajso palacis the prekal le faraonoskri čhaj, sava peske iľa romňake.

1. Kraľengro 9:24

Sar leskri romňi, le faraonoskri čhaj, odgeľa upre andral o Foros le Davidoskro, hoj te bešel andre peskro palacis, so lake ačhaďa o Šalamun, ov chudňa te kerel e terasa pašal o foros.

2. Kronicko 8:10

Le Šalamun mek sas 250 veľiťeľa, save dodikhenas pro robotňika.

2. Mojžišoskro 29:43

Ode man arakhava le Izraelitenca a oda than ela sveto mira slavatar.

2. Mojžišoskro 3:5

O Del phenďa: „Ma av pašeder! Čhiv tele o sandalki pal o pindre, bo e phuv, pre savi ačhes, hiňi sveto.

Ezechiel 21:2

„Manušeja, visaľuv le mujeha pro juhos a vaker pro juhos a prorokin pro veš, so hin andro Negev.

2. Peter 1:18

Amen šunďam oda hangos, so avľa tele andral o ňebos, sar leha samas pre oda sveto verchos.