2. Kronicko 7:5 - Le Devleskero Lav Andre Romaňi Čhib Slovensko 2021

⁵ O Šalamun diňa pre obeta le RAJESKE 22 000 gurumňen the 120 000 bakren. Avke o Šalamun the savore manuša pošvecinde o Chramos le Devleskro.

2. Kronicko 7:5 ပူးပေါင်းရင်းမြစ်များ

1. Kronicko 29:21

Paľis o Izraeliti ande le RAJESKE o dari a pre aver džives o labarde obeti: ezeros (1 000) terne biken, ezeros bakren, ezeros bakroren, e moľakri obeta the aver obeti vaš calo Izrael.

2. Kronicko 1:6

O Šalamun ode obetinďa pro brondzuno oltaris ezeros džviren anglo RAJ. O oltaris sas anglo Svetostankos.

2. Kronicko 15:11

Oda džives obetinde le RAJESKE olestar, so pal o mariben ande andral o Gerar: efta šel (700) gurumňen the efta ezera (7 000) bakren.

2. Kronicko 2:4

O Chramos, so leske kamav te ačhavel, mušinel te el igen baro, bo amaro Del hino bareder sar savore devla.

2. Kronicko 30:24

O Chizkija diňa le manušenge pre obeta, 1 000 biken the efta ezera 7 000 bakren a o uradňika dine 1 000 biken the 10 000 bakren. A but rašaja pes pošvecinde.

2. Kronicko 5:6

O kraľis Šalamun the savore izraelika manuša, save pes zgele ke leste angle archa, obetinenas ajci but bakren the gurumňen, hoj pes oda aňi na delas te zgenel.

2. Kronicko 7:4

Paľis o Šalamun the savore manuša anenas anglo RAJ o obeti.

2. Kronicko 7:6

O rašaja ačhenas pre peskre thana a the o Leviti ačhenas le bašavibnaskre nastrojenca, save o kraľis David diňa te kerel pro lašariben le RAJESKRO, savenca the o David lašarelas le RAJES kale lavenca: „Leskro verno kamiben ľikerel pro furt.“ Sar o rašaja pre aver sera trubinenas, savore Izraeliti ačhenas.

Ezechiel 45:17

O kraľis mušinela te anel o labarde obeti, o chabeneskre obeti, o pijibnaskre obeti pro inepi, pro inepi le Neve čhoneskre the pro šabati – pre savore inepi le Izraeloskre. Ov anela e obeta vaš o binos, e chabeneskri obeta, e labarďi obeta the e smiromoskri obeta, hoj te odmukav le Izraelitenge o bini.‘ “

Micheaš 6:7

Hin le RAJESKE pre dzeka o ezera bakre a deš ezera potoki le olejoskre? Kampel mange te del mire ešebne čhavores vaš miri vina, o plodos mire ťeloskro vaš miro binos?

4. Mojžišoskro 7:10

The andre oda džives, sar sas o oltaris pošvecimen the pomazimen, o vodci ande o dari a thode len anglo oltaris.

O Evaňjelium le Janoskro 10:22

Andro Jeruzalem sas o inepos, sar sas o Chramos pale pošvecimen, a sas jevend.