2. Kronicko 6:34 - Le Devleskero Lav Andre Romaňi Čhib Slovensko 2021

³⁴ Te džana tire murša le dromeha, saveha len bičhaveha pro mariben pre peskre ňeprijaťeľa, a te visarena pes ke tiro avrikidlo foros the ko Chramos, so ačhaďom pre pačiv tire naveske, hoj pes te modľinen:

2. Kronicko 6:34 ပူးပေါင်းရင်းမြစ်များ

1. Kraľengro 8:13

Ale me akana prekal tu ačhaďom šukar Chramos, o than, kaj šaj bešes pro furt.“

2. Kronicko 18:31

Sar o veľiťeľa dikhle le Jošafat, gondoľinde peske, hoj oda hino o izraeliko kraľis a gele pre leste. Akor o Jošafat zvičinďa a o Del leske pomožinďa a visarďa len lestar.

2. Kronicko 20:4

Paľis pes zgele andro Jeruzalem o manuša andral dojekh judsko foros a mangenas le RAJES, hoj lenge te pomožinel.

2. Kronicko 6:33

šun avri andral o ňebos, kaj bešes, leskro mangipen a ker leske avke, sar tutar mangela, hoj savore narodi pre phuv tut te sprindžaren a te daran tutar, avke sar the tire izraelika manuša. Paľis the on džanena, hoj kada Chramos, so ačhaďom, hino prekal tiro nav.

2. Kronicko 6:35

Šun avri lengre modľitbi the o mangipen andral o ňebos a de lenge o viťazstvo.

2. Kronicko 6:6

Ale akana kidňom mange avri o foros Jeruzalem, hoj te avav ode lašardo. A kidňom mange avri le David, hoj te ľidžal mire izraelike manušen.

Izajaš 14:32

A sar kampel te odphenel le poslenge andral kada narodos? Kavke: ‚O RAJ zathoďa o Sion, andre leste pes garuvena leskre manuša, so cerpinen.‘ “

Daniel 6:10

Avke o kraľis Darius podpisinďa oda zakonos.

1. Samueloskro 15:18

Paľis tut o RAJ bičhaďa a phenďa: ‚Dža ko binošna Amaleka a mar tut lenca, medik savoren na murdareha avri.‘

1. Samueloskro 15:3

Vašoda akana dža pro Amaleka a zňičin len savoreha, so len hin. Ma muk ňikas ode te dživel, ale murdar savoren: le muršen le džuvľijen, le čhavoren the olen, so pijen o koľin, the le gurumňen, le bakren, le ťaven the le somaren!‘ “