2. Kronicko 4:7 - Le Devleskero Lav Andre Romaňi Čhib Slovensko 2021

⁷ A kerďa the deš somnakune svietňiki, ajse sar o Šalamun prikazinďa, a thoďa len andro Chramos, pandž pro juhos a pandž pro severos.

2. Kronicko 4:7 ပူးပေါင်းရင်းမြစ်များ

1. Kraľengro 7:39

Pandž vožikici thoďa pre južno sera a pandž pre severno sera le Chramoskri. E igen bari nadrža thoďa pre vichodno sera.

1. Kraľengro 7:49

o deš somnakune svietňiki – pandž ačhenas pre čači sera a pandž pre baľogňi sera anglo Neksveteder than; o somnakune kvitki, o lampi, o kliešťi;

1. Kronicko 28:12

Diňa leske the o plani pal savoreste, so leske o Duchos thoďa pre goďi, sar te kerel e chramoskri avruňi dvora, o avrune thana pašal o Chramos, o thana, kaj sas odthode o chramoskre veci the o dari, so anenas le RAJESKE.

1. Kronicko 28:14

A phenďa, keci kampela rup the somnakaj pre ola veci, so ena kerde a savenca služinena andro Chramos,

1. Kronicko 28:15

a keci kampela rup the somnakaj pre dojekh lampa the svietňikos,

1. Kronicko 28:19

O David phenďa le Šalamunoske: „Kada savoro sas zapisimen le RAJESKRA goďaha a leskro vast sas pre mande, hoj te pripravinav savori buči pro Chramos.

O Evaňjelium le Janoskro 8:12

Paľis ke lende o Ježiš pale prevakerďa: „Me som o švetlos le svetoskro. Oda, ko phirela pal mande, na phirela andro kaľipen, ale ela les o švetlos le dživipnaskro.“

Židenge 8:5

No on služinen andre ajso Svetostankos, savo hino ča o obrazis the o ciňos ole Svetostankoskro, savo hino andro ňebos. Vašoda, sar kamľa o Mojžiš te kerel o Svetostankos, phenďa leske o Del: „Dikh, hoj te keres savoro pal o vzoros, so tuke sas sikado pro verchos.“

Zjaveňje 1:20

Ola efta čercheňa, so dikhľal andre miro čačo vast, the ola efta somnakune svietňiki oda hin o tajomstvo a sikavel pre kada: O efta čercheňa hin o aňjela le efta khangerengre a o efta svietňiki hin o efta khangera.“