2. Kronicko 31:10 - Le Devleskero Lav Andre Romaňi Čhib Slovensko 2021

¹⁰ a o nekbareder rašaj o Azarijah, o potomkos le Cadokoskro, leske odphenďa: „Akorestar, sar chudle o manuša te hordinel o dari andro Chramos, sas amen igen but chaben a ole chabenestar ačhiľa mek but, bo o RAJ požehňinďa peskre manušen. Dikhen, keci mek olestar ačhiľa!“

2. Kronicko 31:10 ပူးပေါင်းရင်းမြစ်များ

1. Mojžišoskro 26:12

O Izak chudňa andre odi phuv te sadzinel a kidňa upre šelvar buter uľipen sar oda, so sadzinďa, bo o RAJ les požehňinďa.

1. Mojžišoskro 39:23

Oda stražňikos na dodikhelas pre ňisoste, so leske diňa te kerel, bo o RAJ sas le Jozefoha a delas, hoj leske te avel avri savoro, so kerelas.

1. Mojžišoskro 39:5

Akorestar, sar les o Egipťanos ačhaďa upral peskro kher, o RAJ požehňinelas leskro kher a savoro, so les sas. Le RAJESKRO požehnaňje sas upral savoreste, so les sas andro kher the pre maľa.

1. Kraľengro 2:35

Avke o Šalamun pre le Joaboskro than ačhaďa veľiťeľiske upral o slugaďa le Jehojadoskre čhas le Benajah a le Cadok rašaske vaš o Ebjatar.

1. Kronicko 29:16

Ó, RAJEJA, Devla amaro, savoro kada barvaľipen, so tuke diňam, hoj pes te ačhavel o Chramos prekal tiro sveto nav, hin tutar a tiro hin savoro.

1. Kronicko 6:14

Le Merariskro čhavo sas o Machli, leskro o Libni, leskro o Šimej, leskro o Uza,

1. Kronicko 6:8

leskro o Elkanah, leskro o Ebjasaf, leskro o Asir,

1. Kronicko 6:9

leskro o Tachat, leskro o Uriel, leskro o Uziaš a leskro o Šaul.

2. Kronicko 26:17

Gele pal leste o rašaj o Azarijah a leha ochtovardeš (80) le RAJESKRE rašaja, save na daranas.

2. Kronicko 31:13

Kalen ačhaďa o kraľis Chizkija the o nekbareder rašaj o Azarijah upral o levitska uradňika andro Chramos: le Jechiel, le Azaziah, le Nachat, le Asahel, le Jerimot, le Jozabad, le Eliel, le Jismachjah, le Machat the le Benajah.

2. Kronicko 31:9

O Chizkija pes phučľa le rašajendar the le Levitendar pal ola veci pro kopi

2. Mojžišoskro 36:7

bo oda, so ande, sas buter, sar kampelas pre caľi buči.

Prislovja 10:22

O požehnaňje le RAJESKRO barvaľarel a na anel ňisavo pharipen.

Prislovja 11:24

Varesave manuša den peskre love jilestar a mek len hin buter, ale varesave manuša izdran pal o love a hine mek čoreder.

Prislovja 3:10

Te kada kereha, ela tut pherdo zrnos andre tire stodoli a tire sudi prečuľana la neva moľaha.

Prislovja 3:9

De pačiv le RAJES andral tiro barvaľipen the andral o ešebno ovocje savore uľipnastar.

Ezechiel 44:15

Ale o rašaja andral o kmeňos Levi, save hine andral o potomstvos le Cadokoskro, save stražinenas miri svetiňa, akor sar o Izraeliti mandar odgele, on šaj aven pašes ke ma, hoj mange te služinen; on ačhena anglal ma, hoj mange te obetinen o žiros the o rat, phenel o RAJ, o Adonaj.

Ezechiel 44:30

Le rašajengro ela oda nekfeder le ešebne uľipnastar a the savore aver dari, so o manuša dena mange, ena le rašajengre. Le rašajenge dena the o nekfeder le chumerestar, hoj te avel o požehnaňje pre tumaro kher.

3. Mojžišoskro 25:21

Pro šovto berš tumen požehňinava avke, hoj tumenge barola dos uľipen pro trin berš.

Haggeus 2:18

‚Ale akana dikhen: Adadžives, o bišuštarto (24.) džives andro eňato čhon, sas thodo o zaklados pro kher le RAJESKRO – no adadživesestar pozorinen, so ela dureder:

Malachijaš 3:10

Anen caľi ďesjatka andro sklados, hoj te el o chaben andre miro kher. Avke man skušinen avri,“ phenel o Nekzoraleder RAJ, „či tumenge na otkerava o oblaki le ňeboskre a na čhivava pre tumende o požehnaňja, medik tumen na ela savorestar pherdo.

4. Mojžišoskro 22:12

Ale o Del phenďa le Balaamoske: „Ma dža lenca a ma prekoš kale manušen, bo hine požehňimen.“

Matuš 15:37

Chale savore a čaľile. Olestar, so ačhiľa, kidle upre efta pherde košara.

5. Mojžišoskro 28:8

O RAJ prikazinela, hoj te aven požehňimen tumare chabeneskre skladi the savoro, sostar pes chudena tumare vasta. Požehňinela tumen andre phuv, so tumen del.

Filipanenge 4:18

Chudňom savoro, hin man mek buter, sar mange kampel; hin man savoro pherdo olestar, so bičhaďan mange le Epafroditoha. Oda hin sar e šukar voňa, sar e kamibnaskri obeta igen šukar le Devleske.

1. Timoteoske 4:8

Bo te zoraľares tiro ťelos, oda anel ča frima chasna, ale o sveto dživipen anel chasna the andre kada dživipen the andre oda dživipen, so avela.