2. Kronicko 24:2 - Le Devleskero Lav Andre Romaňi Čhib Slovensko 2021

² Medik o rašaj Jehojada dživelas, o Joaš kerelas oda, so sas le RAJESKE pre dzeka.

2. Kronicko 24:2 ပူးပေါင်းရင်းမြစ်များ

2. Kraľengro 12:2

Chudňa te kraľinel, sar sas o Jehu kraľis upral o Izrael efta berš, a andro Jeruzalem kraľinelas saranda (40) berš. Leskri daj e Cibja sas andral e Beer-Šeba.

2. Kronicko 24:3

O Jehojada le Joašiske kidňa avri duje romňijen a lenca les sas murša the čhaja.

2. Kronicko 25:2

O Amacijah kerelas oda, so sas le RAJESKE pre dzeka, ale na cale jileha.

Izajaš 29:13

O Raj phenel: „Kala nipi aven ke ma ča peskre mujeha a lašaren man ča le vuštenca, ale lengro jilo hino mandar dur. Lengri chvala hiňi zathoďi ča pre le manušengre tradiciji, so len sikade.

Ezechiel 18:24

Ale te pes o spravodľivo manuš visarela peskre spravodľišagostar a chudela te kerel ajse džungale bini, sar kerel o bijedevleskro manuš, či šaj dživela? Ňisavo leskro spravodľišagos, savo kerďa, pes leske imar na leperela angle ola ňeverna skutki, so kerďa. Merela vaš peskro binos.