2. Kronicko 20:21 - Le Devleskero Lav Andre Romaňi Čhib Slovensko 2021

²¹ Sar lenca dovakerďa, ačhaďa spevaken, hoj te džan angle armada a te lašaren le RAJES le lavenca: „Paľikeren le RAJESKE! Leskro verno kamiben ľikerel pro furt!“

2. Kronicko 20:21 ပူးပေါင်းရင်းမြစ်များ

1. Kronicko 16:29

Den le RAJESKE e slava hodno leskre naveske! Hazden upre o dari a džan angle leste! Banďon tele anglo RAJ andre leskro sveto šukariben!

1. Kronicko 16:34

Paľikeren le RAJESKE, bo hino lačho; bo leskro verno kamiben ľikerel pro furt.

1. Kronicko 16:41

Lenca sas o Heman, o Jedutun the ola, save sas avrikidle, hoj te paľikeren le RAJESKE vaš oda, hoj leskro lačhejileskeriben ľikerel pro furt.

2. Kronicko 30:21

Paľis o Izraeliti, save sas andro Jeruzalem, oslavinenas o inepos le Marengro bi o Kvasos efta džives bare radišagoha. A o Leviti the o rašaja lašarenas le RAJES sako džives caľa zoraha.

2. Kronicko 5:13

Ola, save trubinenas, the o spevaka jekhetane lašarenas le RAJES sar jekh jilo le bašavibnaha the giľavipnaha: „Ov hino lačho; leskro kamiben ľikerel pro furt.“ Andre oda e chmara pherdžarďa calo Chramos le RAJESKRO.

2. Kronicko 7:3

Sar savore Izraeliti dikhle e jag andral o ňebos the le RAJESKRI slava, pele le mujeha dži pre phuv, banďonas anglo RAJ, lašarenas les a paľikerenas: „O RAJ hino lačho; a leskro baro kamiben ľikerel pro furt.“

2. Kronicko 7:6

O rašaja ačhenas pre peskre thana a the o Leviti ačhenas le bašavibnaskre nastrojenca, save o kraľis David diňa te kerel pro lašariben le RAJESKRO, savenca the o David lašarelas le RAJES kale lavenca: „Leskro verno kamiben ľikerel pro furt.“ Sar o rašaja pre aver sera trubinenas, savore Izraeliti ačhenas.

Nehemiaš 12:27

Sar imar kamle te pošvecinel o muri le Jeruzalemoskre, gele pal savore Leviti pre savore thana, kaj bešenas, hoj te aven a te oslavinen a te paľikeren le giľenca le bašavibnaha pro cimbalmi, pro harfi the pro citari.

Žalmi 106:1

Haleluja! Paľikeren le RAJESKE, bo hino lačho; leskro verno kamiben ľikerel pro furt.

Žalmi 107:1

Paľikeren le RAJESKE, bo hino lačho, bo leskro verno kamiben ľikerel pro furt.

Žalmi 18:4

Vičinav ko RAJ, savo hino hodno te lel e chvala, a som zachraňimen mire ňeprijaťeľendar.

Žalmi 29:2

Lašaren e slava le RAJESKRE naveskri! Bararen le RAJES andre leskro sveto šukariben!

Žalmi 50:2

Pal o Sion, pal o nekšukareder than, o Del švicinel.

Žalmi 90:17

O lačhipen le Rajeskro, amare Devleskro, mi el upral amende! Požehňin e buči amare vastengri, he, požehňin e buči amare vastengri!

Žalmi 96:9

Banďon tele anglo RAJ, angle leskro sveto šukariben! Izdra lestar, caľi phuv!

Prislovja 11:14

O narodos perela, te les na ela, ko te ľidžal: Leskri zachrana hin andro but lačhe vodci.

Jeremijaš 33:11

o radišagos the o kheľiben, o radišagos le terneskro the la terňakro; mek šunďola olen, ko anen e paľikeribnaskri obeta andro Chramos le RAJESKRO te phenel: „Paľikeren le Nekzoraleder RAJESKE, bo o RAJ hino lačho; leskro verno kamiben ľikerel pro furt!“ Anava pale o radišagos andre kadi phuv a ela avke, sar sas angloda,‘ phenel o RAJ.