2. Kronicko 19:8 - Le Devleskero Lav Andre Romaňi Čhib Slovensko 2021

⁸ Paľis o Jošafat the andro Jeruzalem ačhaďa Leviten, rašajen the anglune muršen sar sudcen, hoj te sudzinen le manušen, sar len ela vareso maškar peste abo sar vareko na doľikerela o zakonos le RAJESKRO.

2. Kronicko 19:8 ပူးပေါင်းရင်းမြစ်များ

1. Kronicko 23:4

O David phenďa: „Lendar ačhavav 24 000, hoj te služinen andro Chramos le RAJESKRO, 6 000 uradňiken the sudcen,

1. Kronicko 26:29

Andral le Jisharoskro potomstvos, o Kenaniah the leskre čhave sas ačhade uradňikenge the sudcenge andro Izrael. On na služinenas andro Chramos.

2. Kronicko 19:11

O Amariah, o nekbareder rašaj, rozsudzinela savore RAJESKRE veci. O Zebadiah, le Jišmaeloskro čhavo, savo hino vodcas upral o kmeňos Juda, rozsudzinela savore kraľiskre veci a o Leviti ena o uradňika paš o sudos. Aven šmela a o RAJ mi el oleha, ko kerela mištes.“

2. Kronicko 19:9

Paľis o Jošafat lenge prikazinďa: „Keren oda pačivalones, cale jileha a mi el tumen dar anglo RAJ.

Žalmi 122:5

Ode hin o troni pro sudos, o troni le Davidoskre potomkengre.

Ezechiel 44:24

Te pes o manuša pre varesoste na zdžana, o rašaja len rozsudzinena a kerena oda pal mire zakoni. On mušinen te doľikerel mire zakoni the prikazi pal savore mire inepi a mire šabati ľikerena sar sveta.

5. Mojžišoskro 21:5

Paľis ode avena o levitska rašaja, bo len peske kidňa avri o RAJ, tumaro Del, hoj leske te služinen, hoj te požehňinen andro nav le RAJESKRO a te rozsudzinen dojekh vesekedišagos abo oda, te vareko avre dženes dukhavela.

5. Mojžišoskro 25:1

„Te pes duj murša maškar peste vesekedinena a džana oleha pro sudos, hoj len o sudci te rozsudzinen, le čačipnaskres kampel te ospravedlňinel a le vinnovates te odsudzinel.