2. Kronicko 11:11 - Le Devleskero Lav Andre Romaňi Čhib Slovensko 2021

¹¹ Zoraľarďa o muri, ačhaďa andre ola fori le veľiťeľen a thoďa andre o chabena, olejos the mol.

2. Kronicko 11:11 ပူးပေါင်းရင်းမြစ်များ

2. Kronicko 11:10

Cora, Ajalon the o Hebron. Ola sas o ohradzimen fori andre Judsko the andro Benjamin.

2. Kronicko 11:12

Andre dojekh foros diňa kopiji the šťiti a kaleha len igen zoraľarďa. Avke le Rechabeamoske ačhile o kmeňi Juda the Benjamin.

2. Kronicko 11:23

O Rechabeam kerďa goďaha: Thoďa peskre čhaven všadzik andre judsko phuv the andre benjamiňiko phuv, andre savore ohradzimen fori. Diňa len pherdo chaben a iľa lenge but romňijen.

2. Kronicko 17:12

O Jošafat sas furt zoraleder. Andre Judsko ačhaďa ohradzimen fori the o fori le skladenca,

2. Kronicko 17:19

Kala služinenas le kraľiske andro Jeruzalem a mek the aver slugaďa, saven rozačhaďa andro ohradzimen fori pal caľi judsko phuv.

Ezechiel 37:16

„Tu manušeja, le tuke jekh kašt a pisin upre: ‚Le judske kmeňoske the le Izraelitenge, so hine leha.‘ Paľis tuke le aver kašt a pisin upre: ‚Le Jozefoske (oda hin le Efrajimoske) the savore Izraelitenge, so hine leha.‘