2. Kronicko 10:8 - Le Devleskero Lav Andre Romaňi Čhib Slovensko 2021

⁸ Ale o Rechabeam na priiľa e rada le phuredere vodcengri, ale phučelas le terne muršendar, save jekhetane leha baronas avri a denas les goďi.

2. Kronicko 10:8 ပူးပေါင်းရင်းမြစ်များ

2. Samueloskro 17:14

Akor o Absolon the savore izraelika murša phende: „Feder hin e rada le Chušajoskri sar le Achitofeloskri.“ Bo o RAJ kamľa, hoj pes te na kerel pal e lačhi rada le Achitofeloskri, hoj te anel e bibach pro Absolon.

2. Kronicko 10:9

Phučľa lendar: „So mange radzinen tumen? Sar te odphenel kale manušenge, save man mangen, hoj lenge te kerav lokeder oda jarmos, so pre lende thoďa miro dad?“

Prislovja 1:25

vašoda, hoj dikhenas tele miri rada, a na priiľan mandar o lava, sar tumenge dovakeravas,

Prislovja 13:20

Ko phirel le goďaverenca, ela goďaver, no ko pes ľikerel le dilinenca, namištes doperela.

Prislovja 19:20

Šun e rada a prile, sar tut sikaven, a pro koňec ačheha goďaver.

Prislovja 25:12

Oleske, ko šunel, hin o dovakeriben le goďavereskro sar e somnakuňi čeň the o somnakuno lancocis.

Prislovja 27:10

Ma omuk tire prijaťeľis, aňi le prijaťeľis tire dadeskres. Sar pes tuke ačhel vareso nalačho, ma dža ke tiro phral, bo feder hin o susedas, savo hino pašes, sar o phral, savo hino dur.

Prislovja 9:9

De goďi le goďaverones a ela meksa goďavereder, sikav le čačipnaskres a džanela buter.

Kazaťeľis 10:16

Vigos tuke, phuvije, te tiro kraľis hino terno, a te tire raja tosarastar but chan.

Izajaš 30:1

„Vigos le zacate čhavenge,“ phenel o RAJ, „keren o plani, ale bijal ma, phanden o zmluvi avrenca, ale na andral miro Duchos, hoj te dothoven o binos paš o binos;