2. Kronicko 10:13 - Le Devleskero Lav Andre Romaňi Čhib Slovensko 2021

¹³ O kraľis odphenďa le manušenge zorales a na priiľa e rada le vodcengri.

2. Kronicko 10:13 ပူးပေါင်းရင်းမြစ်များ

1. Mojžišoskro 42:30

„Oda murš, o raj andral odi phuv, amenca igen namištes vakerelas, avke sar te uľamas špijona.

1. Mojžišoskro 42:7

Sar o Jozef dikhľa peskre phralen, prindžarďa len, ale na diňa lenge oda te džanel a vakerelas lenca zorales sar cudze manušenca. Phučľa lendar: „Khatar avľan?“ On odphende: „Avľam andral e phuv Kanaan, hoj te cinas chaben.“

2. Kronicko 10:12

O Jeroboam pro trito džives avľa savore manušenca ko Rechabeam, avke sar lenge phenďa o kraľis: „Aven ke ma trine dživesenca!“

2. Kronicko 10:14

Vakerelas lenca avke, sar leske phende o terne murša: „Miro dad pre tumende thoďa pharo jarmos, ale me pre tumende thovava meksa phareder! Miro dad tumen marelas le bičociha, ale me tumen marava le bare bičoha!“

2. Kronicko 10:8

Ale o Rechabeam na priiľa e rada le phuredere vodcengri, ale phučelas le terne muršendar, save jekhetane leha baronas avri a denas les goďi.

2. Mojžišoskro 10:28

A o Faraonos phenďa le Mojžišoske: „Dža mandar het a ma opovažin tut mange pale te sikavel pro jakha, bo oda džives, sar tut dikhava, mereha!“

Prislovja 15:1

O šukar lav odvisarel e choľi, ale o zoralo lav anel bareder choľi.

Prislovja 18:23

O čoro vakerel pokorne mangipnaha, ale o barvalo odphenel zorales.

Prislovja 19:27

Čhavo miro, te preačheha te prilel o dovakeriben, pobistereha oda, so imar džanes.