2. Kronicko 10:10 - Le Devleskero Lav Andre Romaňi Čhib Slovensko 2021

¹⁰ O terne murša leske odphende: „Le manušenge, save ke tu avle a phende, hoj tiro dad pre lende thoďa pharo jarmos, a kamen, hoj tu lenge oda te keres lokeder, phen kavke: ‚Miro cikno angušt hino thuleder, sar sas mire dadeskro calo pasos.

2. Kronicko 10:10 ပူးပေါင်းရင်းမြစ်များ

1. Kraľengro 12:1

O Rechabeam geľa andro Šichem, bo ode avle savore Izraeliti, hoj les te ačhaven kraľiske.

2. Kronicko 10:11

Miro dad pre tumende thoďa pharo jarmos, ale me pre tumende thovava meksa phareder! Miro dad tumen marelas le bičociha, ale me tumen marava le bare bičoha!‘ “

2. Kronicko 10:9

Phučľa lendar: „So mange radzinen tumen? Sar te odphenel kale manušenge, save man mangen, hoj lenge te kerav lokeder oda jarmos, so pre lende thoďa miro dad?“

Prislovja 10:14

Ola, ko hine goďaver, skiden upre o prindžaripen, no o vakeriben le dilineskro anel pharipen.

Prislovja 13:16

Dojekh goďaver manuš gondoľinel, medik vareso kerel, no o dilino rozľidžal o diliňipen.

Prislovja 14:16

O goďaver pes daral a džal het le nalačhipnastar, ale o dilino olestar na ačhel a sig kerel o veci.

Prislovja 19:27

Čhavo miro, te preačheha te prilel o dovakeriben, pobistereha oda, so imar džanes.

Prislovja 21:30

Ňisavo goďaveripen aňi achaľuvipen aňi rada tuke na pomožinela, te o RAJ pre tu džala.

Prislovja 28:25

Oda, ko dikhel ča pre peste, anel ča o vesekedišagi, ale oles, ko pes zmukel pro RAJ, ela savoro pherdo.

Prislovja 29:23

O baripen le manušes thovela tele, ale oda, ko hino pokorno andro duchos, chudela e pačiv.