2. Kraľengro 6:5 - Le Devleskero Lav Andre Romaňi Čhib Slovensko 2021

⁵ Androda, sar jekh lendar čhinelas tele o stromos, peľa leske o tover pal o poriskos andro paňi. A zvičinďa: „Ó, rajeja miro, oda tover mange ča iľom kečeň!“

2. Kraľengro 6:5 ပူးပေါင်းရင်းမြစ်များ

2. Kraľengro 3:10

Akor o Joram phenďa: „Vigos amenge! O RAJ amen trine kraľen kade vičinďa vašoda, hoj amen te del andro vasta le moabike kraľiske!“

2. Kraľengro 4:7

Paľis, sar oda geľa te phenel le prorokoske Elizeoske, ov lake phenďa: „Dža, biken oda olejos a de pale o love, kaske kames, a olestar, so tuke ačhela, šaj džives tu the tire čhave.“

2. Kraľengro 6:15

Sar le Elizeoskro sluhas ušťiľa tosara a geľa avri, dikhľa, hoj pherdo slugaďa pro graja the pro verdana hine rozačhade pašal o foros. A phenďa le Elizeoske: „Jaj, vigos amenge, rajeja miro! So keraha?“

2. Kraľengro 6:4

Avke geľa lenca. Sar doavle paš o Jordan, čhingerenas tele o stromi.

2. Kraľengro 6:6

„Kaj peľa oda tover?“ phučľa lestar o Elizeus. Sar leske sikaďa oda than, o Elizeus odphagľa konaris, čhiďa pre oda than andro paňi a o tover avľa upre.

Žalmi 37:21

O nalačho lel kečeň a na del pale, ale le spravodľivoneske hin pharo a del ščirones.

Kazaťeľis 10:10

Te varekaske tupisaľol o trast a na ostrarela les, mušinel te del andre oda buter zor, ale feder hin te kerel goďaha.

Izajaš 10:34

O kraki andro veša čhingerela le tovereha a o Libanon perela tele peskre šukar stromenca.

Zjaveňje 18:10

Ačhena dural, daratar lakre dukhendar a phenena: ‚Jaj, vigos! Vigos tuke, ó, baro foros, zoralo foros Babilon, bo andre jekh ora avľa pre tu o sudos!‘

Zjaveňje 18:16

a phenena: ‚Jaj, vigos! Vigos, ó, baro foros, so sas urdo andro šukar lole the fijalova pochtana a sas učhardo andre le somnakaha, le vzacne barenca the le perlenca!

Zjaveňje 18:19

Čhivkerenas peske o prachos pro šere a rovibnaha the pharipnaha viskinenas: ‚Jaj, vigos! Vigos, ó, baro foros, andre savo savore, kas sas o loďi pro moros, barvaľile. Bo tel jekh ora sas zňičimen!‘