2. Kraľengro 3:7 - Le Devleskero Lav Andre Romaňi Čhib Slovensko 2021

⁷ Bičhaďa pal o judsko kraľis Jošafat, hoj leske te phenen: „O moabiko kraľis pes pre ma vzburinďa. Na avľalas manca pre leste pro mariben?“ „He! Džava tuha,“ odphenďa leske o Jošafat. „So hin miro, hin the tiro. Me, mire manuša the graja.“

2. Kraľengro 3:7 ပူးပေါင်းရင်းမြစ်များ

1. Kraľengro 22:4

Avke phučľa le Jošafatostar: „Aveha manca pro mariben pro Ramot-Gilead?“ O Jošafat leske odphenďa: „Som tuha, mire manuša hine tire manuša a mire graja hine tire graja.“

2. Kraľengro 13:20

Paľis o Elizeus muľa a parunde les. Sako berš jarone o zbujňika andral o Moab džanas andro Izrael.

2. Kraľengro 3:6

O kraľis Joram takoj geľa pre leste pro mariben andral e Samarija a diňa te zvičinel calo Izrael.

2. Kraľengro 3:8

Akor lestar o Jošafat phučľa: „Save dromeha džaha pre lende?“ „Le dromeha prekal e pušťa le Edomoskri,“ odphenďa leske o Joram.

2. Kraľengro 3:9

Avke džanas o kraľis Joram, o judsko kraľis the o edomiko kraľis pro Moab. Džanas bare dromeha a pal o efta džives le slugaďen imar na sas paňi prekal peste aňi prekal o dobitkos.

2. Kronicko 18:3

Avke o izraeliko kraľis Achab phučľa le judske kraľistar le Jošafatostar: „Aveha manca pro mariben pro Ramot-Gilead?“ O Jošafat leske odphenďa: „Me the mire murša sam jekhetane tuha a džaha tumenca andro mariben.“

2. Kronicko 19:2

Arakhľa pes leha o prorokos Jehu, le Chananiskro čhavo, a phenďa leske: „Gondoľines tuke, hoj hin mištes te pomožinel le bijedevleskre manušenge a te sikavel o jileskeriben olenge, ko džan pro RAJ? Vašoda hin pre tute le RAJESKRI choľi.