2. Kraľengro 2:21 - Le Devleskero Lav Andre Romaňi Čhib Slovensko 2021

²¹ geľa paš o paňi, čhiďa andre o lon a phenďa: „Kavke phenel o RAJ: ‚Sasťarďom kada paňi. Imar ňiko kale paňestar na merela a e phuv anela o uľipen.‘ “

2. Kraľengro 2:21 ပူးပေါင်းရင်းမြစ်များ

2. Kraľengro 2:20

„Anen mange nevo čaro a thoven andre lon,“ phenďa lenge. Sar oda čaro leske ande,

2. Kraľengro 2:22

Oda paňi hino dži adadžives lačho, avke sar phenďa o Elizeus.

2. Kraľengro 4:41

Avke o Elizeus prikazinďa, hoj te anen aro. Čhiďa oda aro andre piri a phenďa: „Kiden le manušenge, hoj te chan.“ Avke oda chaben imar na sas nalačho.

2. Kraľengro 6:6

„Kaj peľa oda tover?“ phučľa lestar o Elizeus. Sar leske sikaďa oda than, o Elizeus odphagľa konaris, čhiďa pre oda than andro paňi a o tover avľa upre.

3. Mojžišoskro 2:13

Pre dojekh chabeneskri obeta čhiv lon. Na obetineha la bi o lon, savo sikavel pre zmluva maškar tu the maškar o Del. Pre dojekh tiri obeta čhiveha o lon!

Matuš 5:11

Bachtale avena, te vaš ma pre tumende namištes vakerena, džana pre tumende a klamišagoha pre tumende phenena savoro nalačhipen.

Marek 9:50

O lon hino lačho, ale te o lon imar na ela londo, soha les pale lonďarena? Mi el andre tumende o lon a dživen andro smirom jekh avrenca!“

O Evaňjelium le Janoskro 9:6

Sar oda phenďa, čhungarďa pre phuv, kerďa le šľinenca čik a makhľa o jakha le koreske.

Zjaveňje 21:4

Ov khosela savore apsa pal lengre jakha a o meriben imar buter na ela. Aňi žaľa, aňi vika, aňi dukh imar buter na ena, bo o ešebna veci našľile.“