2. Kraľengro 2:13 - Le Devleskero Lav Andre Romaňi Čhib Slovensko 2021

¹³ Paľis hazdňa o plašťos, so peľa le Eliašistar, visarďa pes pale a zaačhiľa pro brehos paš o Jordan.

2. Kraľengro 2:13 ပူးပေါင်းရင်းမြစ်များ

1. Kraľengro 19:19

Sar odarik o Eliaš odgeľa, arakhľa le Šafatoskre čhas le Elizeus ipen akor, sar orinelas e maľa. Sas les dešuduj (12) pari voli a ov korkoro ľidžalas e posledno para. Sar o Eliaš džalas pašal leste, čhiďa pre leste peskro plašťos.

1. Kraľengro 9:26

O Šalamun mek kerďa o loďi andro Ecjon-Geber, so hino paš o Elat, paš o brehos le Lole moroskro andro Edom.

2. Kraľengro 2:12

O Elizeus oda dikhľa a vičinelas: „Dado miro, dado miro! O graja the o maribnaskre verdana andral o Izrael ile mire rajes!“ Avke imar les buter na dikhľa. Akor iľa peskre gada a prečhinďa len pro duj kotora.

2. Kraľengro 2:14

Hazdňa o plašťos a zvičinďa: „Kaj hin o RAJ, o Del le Eliašiskro?“ Avke le plašťoha demaďa pal o paňi, o paňi pes rozďelinďa pro duj seri a o Elizeus odarik pregeľa.

2. Kraľengro 2:8

O Eliaš iľa peskro plašťos, pačarďa les andre a demaďa leha pal o paňi. Avke pes o paňi rozďelinďa pro duj seri a sodujdžene pregele pre aver sera pal e šuki phuv.

Židenge 11:37

Murdarenas len le barenca the le šabľenca a prerezinenas len pro jepaš. Aver phirenas upre tele urde andro bakrane the kozakre cipi – na sas len sostar te dživel, džanas pre lende a ubľižinenas lenge.

1. Samueloskro 28:14

„Sar dičhol avri?“ phučľa latar. Oj odphenďa: „Avel upre varesavo phuro murš zaučhardo andro plašťos.“ O Saul sprindžarďa, hoj oda hin o Samuel, a banďiľa anglal leste dži e phuv.