2. Kraľengro 17:12 - Le Devleskero Lav Andre Romaňi Čhib Slovensko 2021

¹² Lašarenas avre devlen, kajte lenge o RAJ prikazinďa, hoj ada te na keren.

2. Kraľengro 17:12 ပူးပေါင်းရင်းမြစ်များ

1. Kraľengro 21:26

O Achab pes ľikerelas igen namištes oleha, hoj banďolas angle aver devla avke sar the o Amorejčana, saven o RAJ tradľa avri anglal o Izraeliti.)

2. Kraľengro 17:11

Pre dojekh modlengro than pro lašariben labarenas o kaďidlos avke sar the o narodi, saven o RAJ anglal lende tradľa avri. Kerenas o nalačhe veci a aleha pre peste anenas le RAJESKRI choľi.

2. Kraľengro 17:40

Ale on les na šunde a kerenas pal peskre tradiciji.

2. Mojžišoskro 20:2

„Me som o RAJ, tiro Del, savo tut iľa avri andral o Egipt, andral o otroctvos.

2. Mojžišoskro 34:14

Ma lašar ňisave avre devles, bo me o RAJ som žjarlivo Del, savo na zľidžava, hoj lašarena avre devles.

Ezechiel 20:28

Doanďom len andre odi phuv, pal savi diňom lav, hoj lenge la dava, a sar dikhle varesavo učo brehos abo varesavo zeleno stromos, chudle ode te anel peskre obeti avre devlenge. Obetinenas ode peskre dari, savenca man choľarenas. Anenas ode o voňava kaďidli a čhivenas avri peskre moľakre obeti.

3. Mojžišoskro 26:1

„ ‚Ma keren tumenge le devloren aňi ma ačhaven o avrirezimen modli aňi sochi aňi o barune slupi andre tumari phuv, hoj angle lende te banďon. Bo me som o RAJ, tumaro Del.

5. Mojžišoskro 12:4

Ale tumen ma lašaren avke le RAJES, tumare Devles, sar on lašaren peskre devlen!

Jozua 23:7

Te na chal tumen ňič le narodenca, save mek ačhile maškar tumende. Aňi ma leperen pre lengre devlengre nava, ma thoven vera pre lende, ma služinen lenge aňi anglal lende ma banďon.