2. Kraľengro 15:30 - Le Devleskero Lav Andre Romaňi Čhib Slovensko 2021

³⁰ Andro bišto (20.) berš, sar kraľinelas le Uziašoskro čhavo Jotam, le Eloskro čhavo o Hošea pes vzburinďa pro Pekach a murdarďa les. Sar o Hošea les murdarďa, ačhiľa pal leste kraľiske.

2. Kraľengro 15:30 ပူးပေါင်းရင်းမြစ်များ

2. Kraľengro 15:10

O Šalum, le Jabešoskro čhavo, pes počoral dovakerďa pro Zechariah a murdarďa les anglo manuša. Avke ov pal leste ačhiľa kraľiske.

2. Kraľengro 15:25

O Pekach, le Remalijoskro čhavo, pes počoral dovakerďa le penda (50) muršenca andral o Gilead pro Pekachiah a murdarďa les andre palaciskri veža andre Samarija. Avke pal leste ačhiľa kraľiske.

2. Kraľengro 15:29

Sar sas andro Izrael kraľis o Pekach, avľa ode o asiriko kraľis Tiglat-Pileser a zaiľa peske o fori Ijon, Abel-Bet-Maacha, Janoach, Kedeš the Chacor a o phuva Gilead the Galileja, oda hin caľi phuv Naftali. A le manušen odarik odľigenďa andre Asirija.

2. Kraľengro 15:31

Savore aver veci, so kerďa o Pekach, hin pisimen andro Zvitkos le izraelike kraľengro.

2. Kraľengro 16:1

Sar andro Izrael o Pekach, le Remalijoskro čhavo, kraľinelas dešueftato (17.) berš, andre Judsko ačhiľa kraľiske o Achaz, le Jotamoskro čhavo.

2. Kraľengro 17:1

Andre dešudujto (12.) berš, sar andre Judsko kraľinelas o Achaz, upral o Izrael ačhiľa kraľiske o Hošea, le Eloskro čhavo. Ov kraľinelas andro foros Samarija eňa berš.

2. Kronicko 28:16

Andre oda časos o kraľis Achaz mangelas le asirike kraľis, hoj leske te pomožinel,

Izajaš 7:16

Bo sigeder, sar oda čhavoro džanela te odčhivel pestar o nalačho a te kidel peske avri o lačho, ela o phuva kale duje kraľengre, savendar tut daras, omukle.

Izajaš 8:6

„Vašoda, hoj o manuša andral e Judsko pestar odčhide o paňa le Šiloachoskre, so džan cichones, a radisaľon le kraľistar Recin the le kraľistar Pekach,

Hozeaš 10:15

Avke kerava tumenca, manušale andral o Betel, bo tumaro nalačhipen hino baro. Soča vidňisaľola, o kraľis andral o Izrael ela calkom zňičimen.

Hozeaš 10:3

Imar maj phenena: „Nane amen kraľis, bo na darahas pes le RAJESTAR. Ale kajte amen uľahas kraľis, so šaj kerďahas prekal amende?“

Hozeaš 10:7

E Samarija ela zňičimen; lakro kraľis ela sar o kaštoro pro paňi.