2. Kraľengro 15:13 - Le Devleskero Lav Andre Romaňi Čhib Slovensko 2021

¹³ Sar andre Judsko kraľinelas o Uziaš tranda the eňa (39) berš, andro Izrael ačhiľa kraľiske o Šalum, le Jabešoskro čhavo, a kraľinelas andro foros Samarija jekh čhon.

2. Kraľengro 15:13 ပူးပေါင်းရင်းမြစ်များ

1. Kraľengro 16:15

Andro bišueftato (27) berš, sar kraľinelas o judsko kraľis Asa, ačhiľa kraľiske upral o Izrael o Zimri andre Tirca pro efta džives. Akor o slugaďa andral o Izrael pes rozačhade pašal o filišťiňiko foros Gibeton.

1. Kraľengro 16:24

Paľis le Šemerostar cinďa o brehos Šomeron vaš o eftavardeš (70) kili rup. Avke pro brehos ačhaďa foros, saveske diňa nav Samarija pal o Šemer, bo oda brehos sas angloda leskro.

2. Kraľengro 15:1

Andro bišueftato (27.) berš, sar kraľinelas o Jarobeam andro Izrael, andre Judsko ačhiľa kraľiske o Azarijah, o čhavo le Amacijoskro.

2. Kraľengro 15:8

Sar kraľinelas andre Judsko o Azarijah tranda the ochto (38) berš, ačhiľa kraľiske upral o Izrael o Zecharijah, o čhavo le Jarobeamoskro. Ov kraľinelas andro foros Samarija šov čhon.

O Job 20:15

O barvaľipen, so chaľa, čhandela avri; o Del leske les čhivela avri andral o per.

Žalmi 55:23

De tire pharipena le RAJESKE a ov pes pal tu starinela. Šoha na domukela, hoj pes o spravodľivo manuš te čhalavel.

Prislovja 28:17

Oda, ko cerpinel vaš oda, hoj murdarďa varekas, denašela dži o meriben. Ňiko leske te na pomožinel!

Prislovja 28:2

Te hin e vzbura andre varesavi phuv, čerinen pes furt o vodci, ale ča o goďaver murš, ko achaľol, šaj doľikerel o poradkos.

Izajaš 1:1

O viďeňje, savo dikhľa o Izajaš, le Amososkro čhavo, pal e Judsko the pal o Jeruzalem, sar andre Judsko kraľinenas o Uziaš, o Jotam, o Achaz the o Chizkija.

Hozeaš 10:3

Imar maj phenena: „Nane amen kraľis, bo na darahas pes le RAJESTAR. Ale kajte amen uľahas kraľis, so šaj kerďahas prekal amende?“

Hozeaš 8:4

O manuša peske ačhade le kraľen, ale bijal mande; ačhade peske le rajen, ale mandar na phučle. Kerde peske o rupune the o somnakune modli pre peskri zahuba.