2. Korinťanenge 9:15 - Le Devleskero Lav Andre Romaňi Čhib Slovensko 2021

¹⁵ Paľikeras le Devleske vaš leskro daros, so pes na del le lavenca te phenel avri!

2. Korinťanenge 9:15 ပူးပေါင်းရင်းမြစ်များ

1. Kronicko 16:35

Vičinen pre leste: ‚Zachraňin amen, Devla, Spasiťeľina amaro! Cirde amen avri le narodendar a skide amen upre andral o narodi, hoj te paľikeras tire svete naveske a te radisaľuvas andre tiri slava.‘

1. Kronicko 16:8

„Paľikeren le RAJESKE, bararen leskro nav! Maškar o narodi den te džanel, so kerďa!

Žalmi 30:12

Miro roviben visarďal pro kheľiben; čhiďal pal ma tele o kale gada a urďal man andro radišagos,

Žalmi 30:4

RAJEJA, tu man iľal avri andral o Šeol a diňal dživipen, hoj te na džav tele andro hrobos.

Žalmi 92:1

O žalmos. E giľi pro šabat.

Izajaš 49:6

ov phenel: „Oda hin igen frima, hoj sal miro služobňikos ča pre oda, hoj te podhazdes upre o kmeňi le Jakoboskre a te anes pale le Izraeliten, so predžiďile. Me tut ačhavav švetloske prekal o narodi, hoj te ľidžas o spaseňje dži pro koňec le svetoskro.“

Izajaš 9:6

Leskri vlada furt barola a leskro smirom šoha na preačhela. Vladňinela pro tronos le Davidoskro the andre leskro kraľišagos, savo ačhavela a zathovela pro čačipen the pro spravodľišagos, akanastar dži pro furt. E Horľivosť le Nekzoraleder RAJESKRI ada kerela.

Лукастар 2:14

„Slava le Devleske upre pro ňebos a o smirom pre phuv le manušenge, savendar les hin o radišagos!“

Лукастар 2:38

A the oj avľa ipen akor ode, lašarelas le Devles a vakerelas pal o Ježiš savorenge, ko užarenas, hoj o Jeruzalem ela zachraňimen.

O Evaňjelium le Janoskro 1:16

Amen savore priiľam leskre barvaľipnastar jekh požehnaňje pal aver.

O Evaňjelium le Janoskro 3:16

Bo o Del avke kamelas o svetos, hoj diňa peskre jekhore Čhas, hoj ňiko, ko pačal andre leste, te na merel, ale te avel les o večno dživipen.

Rimanenge 5:15

Ale le Devleskre daroha oda hin avres sar le binoha. Bo te prekal jekhe manušeskro binos but džene mule, ta avke prekal e milosť jekhe manušeskri, le Ježišoskri Kristoskri, igen but rozbariľa le manušenge le Devleskri milosť the daros.

Rimanenge 6:23

Bo e odplata vaš o binos hin o meriben, ale le Devleskro milosťivo daros hin o večno dživipen andro Ježiš Kristus, amaro Raj.

Rimanenge 8:32

O Del, savo na sajinďa peskre Čhas, ale diňa les vaš amenge savorenge, či oleha amenge na diňa savoro?

1. Korinťanenge 15:57

Ale paľikeras le Devleske, savo amenge del te zviťazinel prekal amaro Raj Ježiš Kristus.

2. Korinťanenge 2:14

Ale paľikerav le Devleske, savo amenge del furt te zviťazinel andro Kristus a prekal amende del te sikavel pre dojekh than peskro prindžaripen sar odi šukar voňa.

2. Korinťanenge 9:11

Ov tumen barvaľarela andre savoreste, hoj te aven ščira. A o manuša paľikerena le Devleske vaš tumaro daros, so prilena amendar.

2. Korinťanenge 9:14

On pes vaš tumenge modľinen a igen tumen kamen, bo le Devleskri milosť upral tumende hin igen bari.

Efežanenge 5:20

Vaš savoreske paľikeren furt le Devleske le Dadeske andro nav amare Rajeskro le Ježišoskro Kristoskro.

Jakob 1:17

Savore lačhe veci a dojekh dokonalo daros avel upral le Dadestar, savo kerďa o ňeboskre švetla a hino furt jekh, ov pes na čerinel avke sar o ciňos.

Zjaveňje 4:9

A furt sar den o džide bitosťi e slava, e pačiv the o paľikeriben Oleske, ko bešel pro tronos a ko dživel pro furt,