2. Korinťanenge 9:12 - Le Devleskero Lav Andre Romaňi Čhib Slovensko 2021

¹² Bo kadi sveto služba, so keras, na ča del le Devleskre manušen oda, so lenge chibaľinel, ale the igen barol andre oda, hoj but manuša paľikeren le Devleske.

2. Korinťanenge 9:12 ပူးပေါင်းရင်းမြစ်များ

2. Korinťanenge 1:11

te amenge the tumen pomožinena tumare modľitbenca vaš amenge. Vaš oda, hoj but džene pes vaš amenge modľinenas, but manuša paľikeren vaš e milosť, so chudňam.

2. Korinťanenge 1:5

Bo sar aven pre amende but pharipena le Kristoskre, avke aven the but radišagi le Kristostar.

2. Korinťanenge 8:4

Igen amen mangenas vaš e milosť, hoj te šaj the on pomožinen le Devleskre manušenge andre Judsko.

2. Korinťanenge 9:1

Mange na kampel tumenge te pisinel pal e pomoca prekal le Devleskre manuša.

Filipanenge 2:25

Dičholas pes mange avke, hoj kampel ke tumende te bičhavel pale le Epafroditos, mire phrales – savo manca jekhetane kerel e buči a jekhetane pes manca the marel – saves tumen bičhaďan, hoj pes te starinel pal oda, so mange kampel.

1. Jan 3:17

Te vareko hino barvalo andre kada svetos a dikhel, hoj le phraleske vareso kampel, a phandel angle leste peskro jilo, sar šaj ačhel le Devleskro kamiben andre leste?