2. Korinťanenge 8:18 - Le Devleskero Lav Andre Romaňi Čhib Slovensko 2021

¹⁸ Amen leha bičhaďam the le phrales, saves lašaren andre savore khangera vaš leskri služba prekal o evaňjelium.

2. Korinťanenge 8:18 ပူးပေါင်းရင်းမြစ်များ

Rimanenge 16:4

On vaš miro dživipen riskinde the peskro dživipen. Me lenge paľikerav, no na ča me, ale the savore khangera andral o aver narodi.

1. Korinťanenge 16:3

Sar avava, bičhavava olen, kas tumen kidena avri, mire ľileha, hoj te ľidžan tumaro daros andro Jeruzalem.

1. Korinťanenge 4:17

Vašoda tumenge bičhaďom le Timoteus, mire čhas, saves kamav a savo hino pačivalo andro Raj. Ov tumenge leperela, sar me dživav andro Ježiš Kristus – oda, so sikavav všadzik andre dojekh khangeri.

1. Korinťanenge 7:17

Sako tumendar mi dživel avke, sar leske oda diňa o Raj – sako avke, sar les o Del vičinďa. Kada hin, so sikavav andre savore khangera.

2. Korinťanenge 12:18

Mangľom le Titus a bičhaďom leha le phrales. Či o Titus tumen viužinďa avri? Či na phirahas andre oda jekh duchos, ole jekhe dromeha?

2. Korinťanenge 2:12

Sar avľom andre Troada te vakerel o evaňjelium le Kristoskro, kajte sas o vudar le Rajestar phundrado prekal ma,

2. Korinťanenge 8:19

A na ča oda, ale o khangera les kidle avri, hoj amenca te phirel andre kadi kamibnaskri služba. Oda keras pre slava le Rajeske, hoj pes te sikavel, sar kamas te pomožinel.