2. Korinťanenge 7:2 - Le Devleskero Lav Andre Romaňi Čhib Slovensko 2021

² Prilen amen jilestar! Ňikaske na kerďam ňič nalačho; ňikas na dukhaďam; ňikaha na thoďam avri.

2. Korinťanenge 7:2 ပူးပေါင်းရင်းမြစ်များ

4. Mojžišoskro 16:15

Akor o Mojžiš igen choľisaľiľa a phenďa le RAJESKE: „Ma prile lendar o obeti. Aňi jekhe somaris lendar na iľom. Ňikaske ňič nalačho na kerďom!“

Matuš 10:14

Te tumen na prilena a na šunena tumare lava, džan het andral oda kher abo andral oda foros a keren tele o prachos pal tumare pindre.

Matuš 10:40

„Oda, ko tumen prilel, man prilel; a ko man prilel, prilel Oles, ko man bičhaďa.

Лукастар 10:8

Sar džana andre varesavo foros a prilena tumen, chan oda, so tumen dena.

Skutki 20:33

Me na kamľom ňikaskro rup aňi somnakaj aňi gada.

Rimanenge 16:18

Bo kajse manuša na služinen amare Rajeske le Ježišoske Kristoske, ale peskre ťeloskre žadoscenge. Peskre gule lavenca the šukare vakeribnaha odcirden le pačivale manušen, save hine slaba andro gondoľišagos.

2. Korinťanenge 1:12

Bo amaro lašariben hin kada: Amaro svedomje amenge sikavel, hoj andro svetos dživahas svetones the andro žužipen, so hin le Devlestar, a maškar tumende meksa buter, na andre le manušeskri goďi, ale andre le Devleskri milosť.

2. Korinťanenge 11:16

Pale phenav: Ňiko peske pal ma te na gondoľinel, hoj som nagoďaver. Ale te avke kerena, prilen man sar nagoďaverones, hoj man the me sikra te lašarav.

2. Korinťanenge 11:9

The akor, sar somas ke tumende a chibaľinelas mange vareso, na somas ňikaske pre meň. Se te mange vareso chibaľinelas, pomožinenas mange o phrala, save avenas andral e Macedonija. Avke keravas, hoj tumen te na el manca ňisavo starišagos, a avke kamav dureder the te kerel.

2. Korinťanenge 4:2

Diňam pestar het o garude ladžandutne veci, aňi na keras o veci vibitones, aňi na previsaras o lav le Devleskro. Ale sar sikavas o čačipen, savore manuša šaj džanen andre peskre jile, save sam amen manuša anglo Del.

Filipanenge 2:29

Avke les prilen savore radišagoha andro Raj. Kajse manušen den pačiv,

Kološanenge 4:10

Pozdravinel tumen o Aristarchos, savo hino manca jekhetane andre bertena, the o Marek, le Barnabašiskro strično phral. (Pal leste tumenge imar pisinďom, hoj les te prilen, te avela ke tumende.)

1. Tesaloničanenge 2:10

Tumen san švedki a the o Del, sar pobožňe, spravodľivones the žužes pes ľikerahas maškar tumende, so pačan.

Filemonoske 1:12

Bičhaďom les pale ke tute a leha džal the miro jilo.

Filemonoske 1:17

Te man ľikeres sar oles, ko tuha jekhetane kerel e buči, prile les avke sar man.

2. Jan 1:10

Te vareko avel ke tumende a na anel kada sikaviben, ma prilen les andro kher, aňi les ma pozdravinen.