2. Korinťanenge 6:12 - Le Devleskero Lav Andre Romaňi Čhib Slovensko 2021

¹² Amen na phandľam amare jile prekal tumende, ale tumen prekal amende.

2. Korinťanenge 6:12 ပူးပေါင်းရင်းမြစ်များ

O Job 36:16

Se the tut kamel te lel avri andral o danda le pharipnaske pre ajso than, kaj imar nane o trapišagos a kaj pre tiro skamind ela pherdo lačhipen.

Prislovja 4:12

Sar phireha, na zaačhavela tut ňič; te denašeha, na poddžala tuke o pindro.

Kazaťeľis 6:9

Feder hin te radisaľol ole vecendar, so amen hin, sar pes furt te cirdel pal o buter. The oda nane pre ňisoste, sar te ča denašľamas pal e balvaj.

Micheaš 2:7

Sar šaj phučen, tumen manušale andral o Izrael: „Šaj našavel o RAJ peskri trpezľivosť? Či kerel ov kajse veci?“ Mire lava anen o lačhipen oleske, ko dživel spravodľivones?

Matuš 7:14

Ale e cesno brana the o uzko drom ľidžan andro dživipen a frima hin ajse, save oda arakhen.“

2. Korinťanenge 4:8

Pal savore seri pre amende avel o pharipen, ale šoha na sam ispidle andro kutos; varekana na džanas, so te kerel, ale šoha pes na poddas;

2. Korinťanenge 7:2

Prilen amen jilestar! Ňikaske na kerďam ňič nalačho; ňikas na dukhaďam; ňikaha na thoďam avri.

Filipanenge 1:8

O Del mange hino švedkos, sar mange pal tumende savorende igen džal le Ježišoskre Kristoskre kamibnaha.

1. Jan 3:17

Te vareko hino barvalo andre kada svetos a dikhel, hoj le phraleske vareso kampel, a phandel angle leste peskro jilo, sar šaj ačhel le Devleskro kamiben andre leste?