2. Korinťanenge 12:11 - Le Devleskero Lav Andre Romaňi Čhib Slovensko 2021

¹¹ Ačhiľom nagoďaver, no tumen man pre oda ispidňan. Se tumen man kamľan te lašarel; no kajte me na som ňič, andre ňisoste na som cikneder ole „bare apoštolendar“.

2. Korinťanenge 12:11 ပူးပေါင်းရင်းမြစ်များ

Prislovja 27:2

Mi lašarel tut aver dženo, a na tiro muj – cudzo manuš, a na tire vušta!

Лукастар 17:10

Avke the tumen, te kerena savoro, so tumenge sas phendo, phenen: ‚Sam ča o sluhi, save peske na zaslužinas ňič. Kerďam ča oda, so mušinďam te kerel.‘ “

1. Korinťanenge 13:2

Kajte man uľahas o daros te prorokinel a achaľiľomas savore garuďipena, kajte man uľahas savoro prindžaripen, abo ajso pačaben, hoj o verchi prethoďomas, ale na uľahas man o kamiben, ňič na som.

1. Korinťanenge 3:22

Či o Pavol, vaj o Apollo, abo o Peter; vaj o svetos, či o dživipen, vaj o meriben; či ola veci, so hine akana; abo ola, so mekča ena – savoro hin tumaro,

2. Korinťanenge 1:6

Te amen avke cerpinas, oda hin prekal tumaro radišagos the zachrana. A te hin amen radišagos, ta the tumen hin radišagos. Oda radišagos tumen del zor te ľikerel avri a te zľidžal ola pharipena, so the amen zľidžas.

2. Korinťanenge 11:1

Šaj mek zľidžan man andre oda, hoj avava sikra nagoďaver? Mangav tumen, hoj te zľidžan!

2. Korinťanenge 11:5

Me mange gondoľinav, hoj pal ola „bare apoštola“ ňisoha na som palal.

2. Korinťanenge 12:12

Se oda, hoj som apoštolos, dičholas maškar tumende akor, sar dživavas andre bari trpezľivosť a keravas o zazraki, o znameňja the o zorale veci.

2. Korinťanenge 12:6

Se kajte man kamľomas te lašarel, na uľomas nagoďaver, bo phenava ča o čačipen. Ale zľikerav man, hoj peske pal ma vareko te na gondoľinel buter sar oda, so dikhel abo šunel mandar.

2. Korinťanenge 3:1

Či pes chudas korkore pale te lašarel? Abo či amenge kampel (sar varesave avre manušenge) o ľila prekal tumende – abo tumendar –, so phenena, hoj ko sam?

2. Korinťanenge 5:13

Te samas bi e goďi, oda sas prekal o Del. Te samas paš e sasťi goďi, oda sas prekal tumende.

Galaťanenge 6:3

Bo te peske vareko pal peste gondoľinel, hoj hino vareko, a ov nane ňiko, korkoro pes klaminel.

Efežanenge 3:8

Mange, savo som nekcikneder maškar o manuša le Devleskre, sas diňi kadi milosť, hoj le avre narodenge te vakerav o evaňjelium pal o barvaľipen le Kristoskro, savo pes aňi na del te zmerinel,