2. Korinťanenge 10:12 - Le Devleskero Lav Andre Romaňi Čhib Slovensko 2021

¹² No amen pes na opovažinas te prirovňinel abo te rachinel paš varesave džene, save pal peste but gondoľinen a korkore pes ispiden anglal. On oda keren sar bi e goďi! Bo pes korkore peha merinen a korkore peha porovňinen.

2. Korinťanenge 10:12 ပူးပေါင်းရင်းမြစ်များ

O Job 12:2

„He, čačo tumen san spravna manuša a o goďaveripen merela avri tumenca!

Prislovja 25:27

Nane mištes te chal igen but medos aňi te džal pal o lašariben le manušendar.

Prislovja 26:12

Le dilines hin feder naďej, sar le muršes, savo pes šunel igen goďaver, ale nane.

Prislovja 27:2

Mi lašarel tut aver dženo, a na tiro muj – cudzo manuš, a na tire vušta!

Лукастар 18:11

O Farizejis peske ačhiľa a kavke pes andre peste modľinelas: ‚Devla, paľikerav tuke, hoj na som ajso sar okla manuša, so čoren, hine načačipnaskre a keren o lubipen – abo sar kada colňikos.

Rimanenge 15:18

Darav man te vakerel vareso aver. Vakerav ča oda, so kerďa o Kristus prekal ma le lavenca the le skutkenca, vaš oda, hoj les o aver narodi te šunen.

2. Korinťanenge 10:11

Kajso manuš mi džanel, hoj oda, so pisinas andro ľila, sar na sam tumenca, keraha the akor, sar avaha tumenca.

2. Korinťanenge 10:18

Bo na ola, ko pes korkore ispiden anglal, hine lačhe služobňika, ale ola, kas o Raj ispidel anglal.

2. Korinťanenge 3:1

Či pes chudas korkore pale te lašarel? Abo či amenge kampel (sar varesave avre manušenge) o ľila prekal tumende – abo tumendar –, so phenena, hoj ko sam?

2. Korinťanenge 5:12

Bo amen pes na kamas pale kaleha te lašarel, ale das tumen vareso, soha tumen šaj lašaren amenca. Hoj te džanen so te phenel olenge, ko pes lašaren le avruneha, so dičhol, a na oleha, so hin andro jilo.