1. Timoteoske 6:6 - Le Devleskero Lav Andre Romaňi Čhib Slovensko 2021

⁶ He, hin le manušes but barvaľipen olestar, hoj služinel le Devleske, te hino spokojno oleha, so les hin.

1. Timoteoske 6:6 ပူးပေါင်းရင်းမြစ်များ

2. Kraľengro 6:2

Aven džas ko paňi Jordan. Dojekh amendar odarik mi anel po jekh kašt a keraha peske kher, andre savo bešaha.“ „Džan!“ phenďa lenge o Elizeus.

Žalmi 37:16

Oda frima, so hin le spravodľivones, hin feder sar o barvaľipen le but nalačhe manušengro.

Žalmi 84:11

Feder hin jekh džives andre tiro kher, sar ezeros avrether! Radeder ačhava pro prahos andro kher mire Devleskro, sar hoj te bešav andro stani le nalačhe manušengre.

2. Mojžišoskro 2:21

Avke o Mojžiš priačhiľa pre oda, hoj ačhela ko Jetro. Ov leske diňa romňake peskra čha la Cipora.

Prislovja 15:16

Feder te sal čoreder a hin tut e sveto dar anglo RAJ, sar te el tut but barvaľipen a leha o pharipen.

Prislovja 16:8

Feder hin, te tut hin sikra, so tuke zarodňal pačivalones, sar but, so dochudňal napačivalones.

Prislovja 28:25

Oda, ko dikhel ča pre peste, anel ča o vesekedišagi, ale oles, ko pes zmukel pro RAJ, ela savoro pherdo.

Jeremijaš 35:9

Na ačhavas peske khera, hoj andre te bešas. Nane amen viňici aňi maľi aňi semena te sadzinel.

Лукастар 12:15

A phenďa lenge: „Den pozoris a chraňinen tumen, hoj tumen te na zakamen andro love! Bo le manušes nane o dživipen le barvaľipnastar.“

Лукастар 3:14

Avke lestar phučle the varesave slugaďa: „Amenge so kampel te kerel?“ Phenďa lenge: „Ňikastar ma kiden avri o love zoraha a ňikas ma trapinen. Aven spokojna oleha, so zaroden!“

Rimanenge 8:28

Amen džanas, hoj savoro, so avel andro dživipen, hin pro lačho olenge, ko kamen le Devles a kas peske vičinďa andre peskro planos.

2. Korinťanenge 4:17

Bo kala loke pharipena, so akana predžas, na ľikerena but a anena amenge igen baro barvaľipen – e večno slava.

Filipanenge 1:21

Bo prekal mande te dživel hin o Kristus a te merel hin o ziskos.

1. Timoteoske 4:8

Bo te zoraľares tiro ťelos, oda anel ča frima chasna, ale o sveto dživipen anel chasna the andre kada dživipen the andre oda dživipen, so avela.

1. Timoteoske 6:8

ale te amen hin o chaben the o uraviben, avas oleha spokojna.

Židenge 13:5

Ma dživen avke, hoj tumen te zakamen andro love, a aven spokojna oleha, so tumen hin, bo o Del phenďa: „Na mukava tut aňi tut na omukava.“