1. Timoteoske 2:13 - Le Devleskero Lav Andre Romaňi Čhib Slovensko 2021

¹³ Bo o Adam sas stvorimen ešebno a až paľis e Eva.

1. Timoteoske 2:13 ပူးပေါင်းရင်းမြစ်များ

1. Mojžišoskro 1:27

Avke o Del stvorinďa manušes pre peskro obrazis, pro obrazis le Devleskro les stvorinďa. Stvorinďa len sar muršes the džuvľa.

1. Mojžišoskro 2:18

Paľis o RAJ, o Del, phenďa: „Nane mištes te dživel le manušeske korkoreske. Kerava leske pomoca, savi leske ela rovnocenno.“

1. Mojžišoskro 2:22

A o RAJ, o Del, kerďa džuvľa ole pašvarestar, so iľa le Adamostar, a anďa la paš o Adam.

1. Mojžišoskro 2:7

Akor o RAJ, o Del, kerďa le manušes le prachostar pal e phuv a phurdľa leske andro nakh o dichos le dživipnaskro a o manuš chudňa te dživel.

1. Mojžišoskro 3:16

A la džuvľake phenďa: „Sar ačheha khabňi, ela tut igen bare dukha a andro dukha ločhoha le čhavoren. Igen tuke džala pal tiro rom, ale ov upral tu vladňinela.“

1. Mojžišoskro 3:20

O Adam diňa peskra romňake nav Eva, bo oj sas daj savore manušenge.