1. Samueloskro 7:4 - Le Devleskero Lav Andre Romaňi Čhib Slovensko 2021

⁴ Avke pestar o Izraeliti odčhide le Baalen the le Aštarten a služinenas ča le RAJESKE.

1. Samueloskro 7:4 ပူးပေါင်းရင်းမြစ်များ

1. Kraľengro 11:33

Kerava oda vašoda, bo o Šalamun man omukľa a chudňa te lašarel le sidoňike devles, la Aštarta, le moabike devles le Kemoš the le amoňike devles le Moloch a na phirelas pal mire droma, na kerelas oda, so kamav, a na doľikerelas miro zakonos the mire lava avke sar leskro dad o David.

1. Kraľengro 11:5

Ov lašarelas la Aštarta, savi sas del andro Sidon, the le Moloch, savo sas igen džungalo del le Amončanengro.

1. Kraľengro 8:48

a te pes visarena cale peskre jileha the dušaha a mangena tut andre odi phuv, kaj hine zaphandle, sar ena visarde ke peskri phuv, so diňal lengre dadenge, the ko avrikidlo foros the ko Chramos, so ačhaďom prekal tiro nav,

2. Kraľengro 23:15

Avke kerďa the le modlengre oltariha pro učo than andro Betel, so ačhaďa o Jeroboam, le Nebatoskro čhavo, savo cirdňa le Izrael andro binos. The oda oltaris the oda učo than čhiďa tele. Oda učo than zlabarďa, rozpučinďa pro prachos a la Ašerakro slupos zlabarďa.

Hozeaš 14:3

Len tumenca o lava, visaren tumen ko RAJ a phenen leske: „Odmuk amenge savore amare bini a prile amen lačhe jileha, hoj e chvala andral amaro muj tuke te el sar o biki pre obeta.

Hozeaš 14:8

O manuša pale bešena tel leskro ciňos a barona sar e pšeňica; kvitňisaľona sar o viňičis, lengri slava ela sar e libanoňiko mol.

Sudcengro 2:11

O Izraeliti kerenas bini anglo RAJ, bo služinenas le Baalenge.

Sudcengro 2:13

Preačhile te služinel le RAJESKE a chudle te služinel le Baaloske the le Aštartenge.

1. Samueloskro 7:3

Akor o Samuel phenďa le Izraelitenge: „Te tumen visarena cale tumare jilenca ko RAJ, te tumendar odčhivena savore cudze devlen the le Aštarten, te tumen čačes oddena le RAJESKE a služinena ča leske, cirdela tumen avri andral o vasta le Filišťincengre.“

1. Samueloskro 7:5

O Samuel lenge phenďa: „Zvičinen savore Izraeliten andre Micpa a me man vaš tumenge modľinava ko RAJ.“