1. Samueloskro 7:10 - Le Devleskero Lav Andre Romaňi Čhib Slovensko 2021

¹⁰ Akor, sar o Samuel anelas le RAJESKE e labarďi obeta, o Filišťinci pes mukle pro mariben pro Izraeliti. Ale andre oda džives o RAJ mukľa andral o ňebos pro Filišťinci te herminel o zorale hermišagi. On igen predaranďile a o Izraeliti len domarde.

1. Samueloskro 7:10 ပူးပေါင်းရင်းမြစ်များ

Žalmi 18:15

Ľivinďa peskre šipi, roztradňa le ňeprijaťeľen le but bleskenca a on denašle.

Žalmi 29:3

O hangos le RAJESKRO šunďol upral o paňa, o slavno Del herminďa, o RAJ upral o bare paňa.

Žalmi 29:4

O hangos le RAJESKRO hino igen zoralo; o hangos le RAJESKRO hino baro a slavno.

Žalmi 78:66

Marďa peskre ňeprijaťeľen a zatradňa len pale; kerďa lenge ladž pro furt.

Zacharijaš 4:6

Avke mange phenďa: „Kada hin o lav le RAJESKRO prekal o Zerubabel: ‚Na la zoraha aňi la mocaha, ale mire Duchoha,‘ phenel o Nekzoraleder RAJ.

5. Mojžišoskro 28:7

O RAJ zňičinela tumare ňeprijaťeľen, sar pre tumende avena. Jekhe dromeha pre tumende avena, ale efta dromenca anglal tumende rozdenašena.

Jozua 10:10

O RAJ kerďa, hoj o Amorejčana la daratar ačhile sar bi e goďi anglo Izraeliti. Paš o Gibeon o Izraeliti igen but dženen murdarde a denašenas pal lende le dromeha upre pro Bet-Choron a murdarenas len dži paš e Azeka the Makeda.

Sudcengro 4:15

Sar o Barak geľa pro mariben, o RAJ anďa la šabľaha andro zmetkos le Siserah savore verdanenca the caľa leskra armadaha. A o Siserah chučiľa tele pal o verdan a chudňa te denašel.

Sudcengro 5:20

O čercheňa andral o ňebos pes marenas, pal peskre droma džanas pro mariben pro Siserah.

Sudcengro 5:8

O manuša peske ile avri avre devlen, paš o foroskre brani chudňa o mariben, no na dičholas o šťitos aňi e kopija maškar 40 000 Izraeliti.

1. Samueloskro 12:17

Či nane akana o časos te skidel upre e pšeňica? No me mangava le RAJES, hoj te bičhavel zoralo brišind le perumenca. A tumen achaľona, sar namištes oda sas anglo RAJ, hoj tumenge mangľan kraľis.“

1. Samueloskro 14:15

Andro taboris, pre maľa the všadzik maškar o manuša avľa bari dar. Predaranďile the o slugaďa the ola, so gele te občorarel o gava, a the e phuv razisaľiľa. Kada savoro kerďa o Del.

1. Samueloskro 2:10

Ola, ko džan pro RAJ, ena zňičimen, herminela pre lende andral o ňebos. O RAJ sudzinela caľi phuv. Peskre kraľis dela zor; hazdela upre peskre pomazimen muršes.“

1. Samueloskro 7:11

O Izraeliti gele avri andral e Micpa a denašenas pal o Filišťinci, marenas len a murdarenas. Denašenas pal lende dži paš oda than pal o Bet-Char.