1. Samueloskro 6:16 - Le Devleskero Lav Andre Romaňi Čhib Slovensko 2021

¹⁶ O pandž filišťiňika vodci savoro dikhle a mek oda džives pes pale visarde khere andro Ekron.

1. Samueloskro 6:16 ပူးပေါင်းရင်းမြစ်များ

Jozua 13:3

O phuva, pal save phenen, hoj hine le Kanaančanengre, le paňestar Šichor, so džal pro vichodos le Egiptostar, dži pro severos paš o Ekron. Ode bešen pandž filišťiňika kraľa andral e Gaza, andral o Ašdod, andral o Aškalon, andral o Gat the andral o Ekron. Ačhiľa mek e phuv le Avičanengri

Sudcengro 16:5

A avle ke late o filišťiňika vodci a phende lake: „Chude les avri a dodžan tut, khatar les hin ajsi bari zor a sar les šaj thovas tele, hoj les te sphandas a te ovladňinas. Paľis tut sako amendar dela 1 100 rupune minci.“

Sudcengro 3:3

Sas oda kala narodi: o pandž filišťiňika kraľa, savore Kanaančana, o Sidončana the o Chivija, save bešenas andro Libanoňika verchi le verchostar Baal-Chermon dži ko verchengro drom Chamat.

1. Samueloskro 5:10

Avke bičhade le Devleskri archa andro Ekron. Ale sar ode e archa le Devleskri avľa, o manuša andral o Ekron zvičinde: „Ande ke amende e archa le Izraeloskre Devleskri, hoj te murdaren the amen the amare manušen.“

1. Samueloskro 6:12

O gurumňa džanas rovnones andro Bet-Šemeš, džanas rovnones, furt ručinenas a na visarenas pes aňi pre čači aňi pre baľogňi sera. O filišťiňika vodci džanas pal lende dži paš e hraňica ko Bet-Šemeš.

1. Samueloskro 6:4

O Filišťinci phučle: „Savi obeta kampel te bičhavel vaš amaro binos?“ On odphende: „Pandž somnakune vredi the pandž somnakune miši; vaš dojekh filišťiňiko vodcas po jekh, bo odi bibach, so avľa pre tumende, avľa the pre tumare vodci.