1. Samueloskro 4:22 - Le Devleskero Lav Andre Romaňi Čhib Slovensko 2021

²² Phenďa: „E slava omukľa le Izrael, bo zaile e archa le Devleskri.“

1. Samueloskro 4:22 ပူးပေါင်းရင်းမြစ်များ

Žalmi 78:64

Lengre rašaja mule la šabľaha a lengre vdovi na rovenas.

Roviben le Jeremijašiskro 2:1

Jaj, sar o RAJ zaučharďa le Sionoskra čha peskra choľakra chmaraha. O šukariben le Izraeloskro čhiďa tele andral o ňebos pre phuv. Bisterďa the pre peskro chramos andro džives peskra choľakro.

O Evaňjelium le Janoskro 2:17

Leskre učeňikenge avľa pre goďi, hoj hin pisimen: „O kamiben vaš tiro kher andre mande labol sar jag.“

1. Samueloskro 2:34

Sar znameňje tuke ela oda, so pes ačhela soduje tire čhavenca, le Chofniha the le Pinchasoha: Sodujdžene merena andre jekh džives.

1. Samueloskro 3:12

Oda džives domukava pro Eli savoro, so phenďom pre leskri famelija – savoro le agorestar dži o koňec.

1. Samueloskro 4:21

Le čhavoreske diňa nav Ichabod, bo phenďa: „E slava omukľa le Izrael,“ bo ile e archa le Devleskri a muľa lake o sastro the o rom.

1. Samueloskro 5:1

Sar o Filišťinci zaile le Devleskri archa, preľigende la andral o Eben-Ezer andro foros Ašdod.