1. Samueloskro 4:2 - Le Devleskero Lav Andre Romaňi Čhib Slovensko 2021

² O Filišťinci pes pre lende rozačhade pro mariben. O mariben sas zoralo a o Filišťinci domarde le Izraeliten a murdarde lendar vaj 4 000 muršen.

1. Samueloskro 4:2 ပူးပေါင်းရင်းမြစ်များ

Roviben le Jeremijašiskro 3:40

Aven preskuminas a predikhas amare droma a visaras pes pale ko RAJ!

3. Mojžišoskro 26:37

Perena jekh pre aver, sar te denašľanas andral o mariben, kajte pre tumende ňiko na džala; na ela tumen zor te obačhel angle tumare ňeprijaťeľa.

4. Mojžišoskro 14:45

Avke o Amaleka the o Kanaančana, save bešenas pre brehengri phuv, gele pre lende, marde len a roztradle dži paš o foros Chorma.

Jozua 7:12

Vašoda o Izraeliti našťi obačhen anglal peskre ňeprijaťeľa a mušinen te denašel lendar, bo ačhiľa lendar oda, so mušinel te el zňičimen. Imar tumenca na avava, te oda na zňičinena.

1. Samueloskro 17:21

O Izraeliti the o Filišťinci pes rozačhade pro mariben jekh pre aver.

1. Samueloskro 17:8

O Golijaš pes ačhaďa a viskinelas pro izraelika slugaďa: „Soske avľan a rozačhaďan tumen pro mariben? Me som Filišťincos a tumen san le Sauloskre sluhi. Kiden tumenge avri muršes a mi avel tele, hoj pes manca te marel.

1. Samueloskro 4:1

O Samuel anelas o lav le RAJESKRO cale Izraeloske. Andre oda časos gele o Izraeliti pro mariben pro Filišťinci. Kerde peske taboris paš o Eben-Ezer a o Filišťinci paš o Afek.

1. Samueloskro 4:10

Avke o Filišťinci gele pro mariben, o Izraeliti prehrajinde a sako denašelas andre peskro stanos. Prehrajinde avke bares, hoj mule 30 000 slugaďa.

1. Samueloskro 4:3

Sar avle pale o Izraeliti andro taboris, o vodci le Izraeloskre phučle: „Soske o RAJ adadžives domukľa, hoj amen o Filišťinci te domaren? Aven las peske andral o Šilo e archa le RAJESKRA zmluvakri. Avke ela o RAJ maškar amende a lela amen avri andral o vasta amare ňeprijaťeľengre.“