1. Samueloskro 31:8 - Le Devleskero Lav Andre Romaňi Čhib Slovensko 2021

⁸ Pre aver džives pal o mariben o Filišťinci avle te občorel olen, save sas mule, a arakhle ode le Saul the leskre trine čhaven pro verchos Gilboa.

1. Samueloskro 31:8 ပူးပေါင်းရင်းမြစ်များ

2. Samueloskro 1:20

Ma vakeren pal oda andro Gat, aňi ma rozľidžan oda pal o uľici andro Aškalon, hoj te na radisaľon o čhaja le Filišťincengre; o čhaja olengre, ko nane obrezimen, hoj te na asan.

2. Samueloskro 1:21

Tumen, verchale, so san andre Gilboa: Te na tumen cinďarel e rosa aňi te na del o brišind pre tumende, aňi o maľi te na den o uľipen, bo ode sas andre meľarde o šťiti le zorale muršengre a o šťitos le Sauloskro imar nane buter makhlo le olejoha,

1. Kronicko 10:8

Pre aver džives pal o mariben o Filišťinci avle te občorel olen, save sas mule, a arakhle ode le Saul the leskre trine čhaven pro verchos Gilboa.

2. Kronicko 20:25

O Jošafat peskre muršenca geľa ke lende a ile savoro, so pal lende ačhiľa. Arakhle paš lende igen but barvaľipen, vzacna veci the gada. Kidle peske odarik ajci but, hoj oda na birinenas te ľidžal. Ajci but barvaľipen ode sas, hoj trin džives odarik hordinenas o veci.

1. Samueloskro 28:4

Sar pes o Filišťinci zgele, kerde peske taboris paš o Šunem. O Saul diňa te zvičinel calo Izrael a kerde peske taboris paš o brehos Gilboa.

1. Samueloskro 31:7

Sar dikhle o Izraeliti pre dujto sera la dolinakri Jezreel the pro vichodos le Jordanoskro, hoj o Izraeliti pes rozdenašle a hoj o Saul the leskre čhave mule, the on denašle a omukle peskre fori. Avke o Filišťinci avle a zaile peske ola fori.

1. Samueloskro 31:9

Le Sauloske odčhinde o šero, ile leske e vizbroj a dine oda te hordinel pal e filišťiňiko phuv. Kada hiros dine te džanel andro chramos lengre modlengro the maškar o nipi.