1. Samueloskro 31:3 - Le Devleskero Lav Andre Romaňi Čhib Slovensko 2021

³ O mariben pašal o Saul zoraľolas a dochudle les o lukostrelci. Ľivinde les a zorales les dukhade.

1. Samueloskro 31:3 ပူးပေါင်းရင်းမြစ်များ

1. Mojžišoskro 49:23

La choľaha pre tu džanas, o lukostrelci pre tute ľivinenas,

2. Samueloskro 1:4

„Phen mange, so pes ačhiľa?“ phučľa lestar o David. „O murša denašle andral o mariben,“ ov odphenďa. „But lendar pele a mule. Muľa the o Saul the leskro čhavo o Jonatan.“

2. Samueloskro 1:6

O terno murš leske odphenďa: „Somas pro verchos Gilboa a dikhľom, sar o Saul pes predemel la kopijaha a o murša pro verdana the pro graja les dochuden.

2. Samueloskro 21:12

o David geľa te lel le Sauloskre the le Jonatanoskre kokala le manušendar andral o Jabeš-Gilead, save len ile pal o pľacos andral o Bet-Šan, kaj len o Filišťinci figinde andre oda džives, sar murdarde le Saul pro verchos Gilboa.

1. Kraľengro 22:34

Androda varesavo slugaďis ča avke ľivinďa andral o lukos a trafinďa le Achab maškar o pancjeris. Avke phenďa o Achab le manušeske, savo ľidžalas leskro verdan: „Visar tut a ľidža man het andral o mariben, bo som zraňimen.“

Amos 2:14

Na denašela oda, ko denašel sig; o zoralo peske na pomožinela peskra zoraha, aňi o hrďinas pes na zachraňinela.