1. Samueloskro 3:6 - Le Devleskero Lav Andre Romaňi Čhib Slovensko 2021

⁶ O RAJ pale vičinďa pro Samuel. Ov ušťiľa, geľa ko Eli a phenďa: „Kade som, se vičinehas man.“ „Na, čhavo miro,“ phenďa leske o Eli, „na vičinďom tut. Ča dža tuke te pašľol.“

1. Samueloskro 3:6 ပူးပေါင်းရင်းမြစ်များ

1. Mojžišoskro 43:29

Sar dikhľa peskre phrales le Benjamin, le čhas peskra dakro, phučľa: „Oda ov hino tumaro nekterneder phral, pal savo mange vakerenas?“ Paľis phenďa: „Mi el o Del jileskro ke tute, čhavo miro!“

2. Samueloskro 18:22

Ale o Achimaac pale phenďa le Joaboske: „Mange hin savoro jekh. Ča muk man, hoj te denašav pal oda Kušijcos.“ „Soske oda kames te kerel, čhavo miro?“ phučľa lestar o Joab. „Na ela tut olestar ňisavo počiňiben.“

Matuš 9:2

A ande ke leste jekhe muršes, savo sas kaľikos a pašľolas pro hadžos. Sar dikhľa o Ježiš lengro pačaben, phenďa le kaľikoske: „Čhavo miro, ma dara tut, odmuken pes tuke o bini.“

1. Samueloskro 3:5

Denašľa ko Eli a phenďa: „Kade som. Vičinehas man?“ Ale ov odphenďa: „Na vičinďom tut. Dža tuke te pašľol.“ Avke geľa te pašľol.

1. Samueloskro 3:7

O Samuel le RAJES mek na prindžarelas, bo o lav le RAJESKRO leske mek na sas zjavimen.

1. Samueloskro 4:16

Oda murš phenďa le Eliske: „Avav andral o mariben, denašľom odarik adadžives.“ „So pes ačhiľa, čhavo miro?“ phučľa lestar o Eli.