1. Samueloskro 3:12 - Le Devleskero Lav Andre Romaňi Čhib Slovensko 2021

¹² Oda džives domukava pro Eli savoro, so phenďom pre leskri famelija – savoro le agorestar dži o koňec.

1. Samueloskro 3:12 ပူးပေါင်းရင်းမြစ်များ

Ezechiel 21:5

Ale me phenďom: „Jaj, RAJA, Devla miro, o manuša imar akana vakeren: ‚Se ov ča furt vakerel andro podobenstva!‘ “

Zacharijaš 1:6

Či tumare daden na zaile mire lava the prikazi, so diňom mire služobňiken le proroken? Akor kerde pokaňje a phende: ‚O Nekzoraleder RAJ amenca kerďa pal oda, sar dživahas a kerahas; kerďa amenca avke, sar peske kidňa avri.‘ “

4. Mojžišoskro 23:19

O Del nane manuš, hoj te klaminel. Ov nane čhavo le manušeskro, hoj te čerinel peskre lava. Či na kerel oda, so phenel? Či del lav a na doľikerel?

Лукастар 21:33

O ňebos the e phuv našľona, ale mire lava šoha na našľona.

Jozua 23:15

Avke sar o RAJ doľikerďa dojekh lačho lav, so tumen diňa, avke pre tumende domukela the savoro nalačho, so phenďa, medik na merena avri andral kadi lačhi phuv, so tumenge diňa.

Sudcengro 4:24

Ole časostar džanas o Izraeliti pro kraľis Jabin furt zoraleder, medik les na zňičinde.

1. Samueloskro 4:11

E archa le Devleskri sas zaiľi a soduj čhave le Eliskre o Chofni the o Pinchas mule.

1. Samueloskro 4:17

Ov leske odphenďa: „O Izraeliti denašenas anglo Filišťinci a but amare murša sas murdarde. E archa le Devleskri sas zaiľi a tire soduj čhave o Chofni the o Pinchas mule.“

1. Samueloskro 4:21

Le čhavoreske diňa nav Ichabod, bo phenďa: „E slava omukľa le Izrael,“ bo ile e archa le Devleskri a muľa lake o sastro the o rom.

1. Samueloskro 4:22

Phenďa: „E slava omukľa le Izrael, bo zaile e archa le Devleskri.“