1. Samueloskro 27:10 - Le Devleskero Lav Andre Romaňi Čhib Slovensko 2021

¹⁰ Sar o Achiš phučelas: „Pre kaste adadžives sanas pro mariben?“ O David odphenelas: „Samas andre pušťa Negev andre judsko phuv,“ abo: „Samas andre phuv le Jerachmeelengri andro Negev,“ abo: „Samas andro Negev andre phuv le Kenitengri.“

1. Samueloskro 27:10 ပူးပေါင်းရင်းမြစ်များ

1. Mojžišoskro 27:24

a phučľa lestar: „Sal tu čačes miro čhavo o Ezav?“ „Som,“ ov odphenďa.

2. Samueloskro 17:20

Sar avle le Absolonoskre murša ke džuvľi andro kher, phučle latar: „Kaj hine o Achimaac the o Jonatan?“ „Odgele adarik a pregele o paňi,“ odphenďa lenge. Akor on len chudle te rodel, ale sar len našťi arakhenas, gele pale andro Jeruzalem.

1. Kronicko 2:25

Le Jerachmeel, le Checronoskre nekphuredere čhas, sas pandž čhave: Ešebno o Ram, o Bunah, o Oren, o Ocem the o Achijah.

1. Kronicko 2:9

Le Checronoskre čhave sas: o Jerachmeel, o Ram the o Kaleb.

Žalmi 119:163

Našťi avri ačhav o klamišagos, džungľol mange, ale tiro zakonos kamav.

Žalmi 119:29

Visar man het le klamišagoskre dromestar! Av ke ma jileskro a de man tiro zakonos!

Prislovja 29:25

Te tut daraha le manušendar, hoj so peske gonďolinena, zachudeha tut andre pasca, ale te tut zmukeha pro RAJ, aveha chraňimen.

4. Mojžišoskro 24:21

Sar dikhľa le Keniten, phenďa kala lava: „O than, kaj dživen, hino zoralo, ačhaďan tumenge o hňizdos pre skala.

Efežanenge 4:25

Savore sam jekhetane andre jekh ťelos, vašoda preačhen te klaminel a chuden te vakerel o čačipen jekh avreha.

Sudcengro 1:16

O čhave andral e famelija Kenit, savenge sas dad o Chobab, le Mojžišoskro sastro, gele le kmeňoha Juda andral o Foros le palmengro andre judsko pušťa andro Negev, kaj ačhile te bešel maškar o manuša paš o foros Arad.

Sudcengro 4:11

Ale o Kenitas o Cheber odgeľa okle Kenitendar, save sas o čhave le Chobaboskre, savo sas šogoris le Mojžišoskro. Ačhaďa peskro stanos paš o dubos andro Caananim paš o Kedeš.

Sudcengro 5:24

Av bachtaľi maškar o džuvľa, Jaelo. Tu, romňije le Cheberiskri, le Kenitoskri! Av požehňimen upral o džuvľa andro stani!

1. Samueloskro 15:6

Le Kenitenge phenďa: „Aven avri a odďelinen tumen le Amalekendar, hoj tumen te na murdarav jekhetane lenca. Bo tumen presikaďan o lačhipen savore Izraelitenge, sar džanas avri andral o Egipt.“ Avke o Keniti lendar odgele.

1. Samueloskro 21:2

O David geľa ko rašaj Achimelech andro foros Nob. Sar les o Achimelech dikhľa, predaranďiľa. Geľa anglal leste a phučľa lestar: „Soske sal korkoro? Nane tuha ňiko?“

1. Samueloskro 23:27

avľa le Sauloske te phenel jekh leskre muršendar: „Av sigo, bo o Filišťinci avle andro Izrael a občoraren e phuv.“

1. Samueloskro 27:11

O David murdarelas dojekhe muršes the džuvľa, hoj ňiko lendar te na džal pale andro foros Gat a te na phenel avri, so o David the leskre murša čačes kerenas. Kada hin oda, so kerelas o David prekal calo časos, sar bešelas andre filišťiňiko phuv.

1. Samueloskro 29:8

„So ajso kerďom, hoj našťi džav andro mariben pro ňeprijaťeľa mire rajeskre the kraľiskre?“ phučľa o David le Achišostar. „So šaj phenes pre ma, pre tiro služobňikos, akorestar, sar tuke chudňom te služinel, dži adadžives?“

1. Samueloskro 30:29

the Rachal; bičhaďa oda the olenge, ko bešenas andro fori le Jerachmeelengre the le Kenitengre